Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tennıs: Devıs kýbogy fınalyna qatysatyn Qazaqstan quramasy anyqtaldy

2021 jyldyń 26 qazan 2021 03:49

NUR-SULTAN. QazAqparat – Ispanııa astanasy Madrıdte ótetin Devıs kýbogy fınalyna qatysatyn Qazaqstan quramasy anyqtaldy, dep habarlaıdy QazAqparat tilshisi.

Qazaqstan tennıs federatsııasy málim etkenindeı. ıÝrıı ýkın bastaǵan bapkerlik quram sheshýshi básekede myna oıynshylarǵa senim artty.

Aleksandr Býblık (álemniń 34-raketkasy), Mıhaıl Kýkýshkın (159-oryn), Dmıtrıı Popko (162-oryn), Andreı Golýbev (juptyq synda 35-oryn), Aleksandr Nedovesov (juptyq synda 76-oryn).

Qazaqstan quramasy V tobynda Kanada jáne Shvetsııa tennısshilerimen synǵa túsedi.

27 qarasha kúni Qazaqstan men Shvetsııa matchy ótedi. Kelesi kúni qazaqstandyqtar 2019 jyly Devıs kýbogynyń fınalyna deıin jetken Kanada quramasymen kortqa shyǵady.

Devıs kýbogynyń fınaldyq matchtary alǵash ret Insbrýk, Madrıd jáne Týrın qalalarynda bir mezgilde ótedi. Jarysta alty topqa bólingen 18 komanda baq synaıdy. Ár toptyń jeńimpazdary men ekinshi oryn alǵandar ishinen eki úzdik qurama shırek fınalǵa joldama alady. Jartylaı fınalǵa ótkender júldeli oryndar úshin talasýmen birge 2022 jyldyń fınaldyq kezeńine qatysý quqyǵyna da ıe bolady.

Devıs kýbogy 1900 jyldan beri jyl saıyn ótkizilip keledi. Jeńister jóninen AQSh quramasy (32) alda tur. Al osyǵan deıingi dodada ıspanııalyqtar úzdik shyqqan bolatyn.

Eske sala keteıik, budan buryn Zarına Dııastyń álemdik reıtıngte úzdik júzdikke qaıta oralǵanyn, Aleksandr Býblıktiń Sankt-Peterbýrg týrnırin jeńispen bastaǵanyn jazǵan bolatynbyz.





Avtor Eljan Eraly
Basty sózder: Sport,
Joǵary qaraı