Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tennıs: Denıs Evseev Ispanııadaǵy týrnırdiń ekinshi aınalymyna shyqty

2021 jyldyń 12 qazan 2021 19:30

NUR-SULTAN. QazAqparat – Qazaqstandyq Denıs Evseev Ispanııadaǵy Alıkante chellendjer týrnıriniń ekinshi aınalymyna shyqty, dep habarlaıdy QazAqparat tilshisi.

Dúnıejúzilik reıtıngte 406-orynda turǵan D.Evseev bul dodaǵa irikteý saıystarynan keıin qosylǵan edi.

Ol alǵashqy aınalymda otandasy, álemniń 165-inshi, osy jarystyń 5-raketkasy Dmıtrıı Popkomen kezdesti.

Buǵan deıin qos tennısshi eki ret kezdesip, onda Popko basym túsken edi.

Bul joly eki saǵatqa jýyq sozylǵan tartysty básekede 28 jastaǵy D.Evseev 7:6 (7:5), 6:4 esebimen jeńiske jetti.

Match barysynda D.Evseev 2 eıs jasap, 8 breık-poınttyń úsheýin múlt jibermedi. Qarsylasy 4 eıs, 2 breıkke (7 breık-poınt) qol jetkizdi.

D.Evseev shırek fınalǵa shyǵý úshin álemniń 224-raketkasy, ózbekstandyq Denıs Istomınmen talasady.

Taǵy bir qazaqstandyq Tımofeı Skatov Napolı (Italııa) chellendjer týrnırinde ıspanııalyq Alvaro Lopes San Martınnen 3:6, 2:6 esebimen utylyp qaldy.

Eske sala keteıik, budan buryn ıÝlııa Pýtıntsevanyń Indıan-Ýells týrnıriniń tórtinshi aınalymyna shyǵa almaǵanyn, Elena Rybakınanyń juptyq synda shırek fınalǵa ótkenin jazǵan bolatynbyz.

Sondaı-aq Qaraǵandyda alǵash ret eki halyqaralyq jarys ótedi.



Avtor Eljan Eraly
Basty sózder: Sport,
Joǵary qaraı