Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tennıs: Azııa birinshiliginiń jartylaı fınalynda Qazaqstan men Ózbekstan synǵa túsedi

2021 jyldyń 25 qarasha 2021 02:11

NUR-SULTAN. QazAqparat – «Dáýlet» tennıs ortalyǵynda 12 jasqa deıingiler arasynda ótip jatqan Azııa komandalyq birinshiliginiń (ITF Asian 12&Under Team Championships 2021) jartylaı fınalynda Qazaqstan men Ózbekstan komandalary synǵa túsedi, dep habarlaıdy QazAqparat tilshisi.

Qazaqstan tennıs federatsııasy málim etkenindeı, qazaqstandyq qyzdar da, uldar da toptyq básekede jartylaı fınalǵa birinshi orynmen joldama aldy.

Uldar taılandtyqtardan jeńilip qalǵannan keıin Iordanııamen matchqa tastúıin daıyndyqpen shyqty.

Aldymen ortalyq kortta óner kórsetken Madııar Taǵybekov Shatara Talıalmen básekede oıyn tizginin birden qolyna aldy. Qarsylasyna bir ǵana geım bergen Madııar aıqyn basymdylyq tanytty.

ıAroslav Pshenıchnyı men Jaber Amır kezdesýinde birinshi sette qazaqstandyq tennısshi taı-breıkte jeńisti julyp aldy. Ekinshisinde ıAroslav esh múmkindik bergen joq – 6:0.

Juptyq synda da ıA.Pshenıchnyı men M.Taǵybekov qarsylastaryn bet qaratpaı utty – 6:1, 6:0.





Qyzdar arasynda qazaqstandyqtar úndistandyqtarmen kortqa shyqty. Aldymen Evelına Balaganskaıa Maıe Revathıge ese jiberdi – 6:7, 4:6. Degenmen Eva Korysheva Harıtashrı Vekateshten aılasyn asyryp, tarazy basyn teńestirdi – 6:2, 6:4. Sońǵy básekede Sabına Shýhratova men E.Korysheva Revathı men Vekateshti súrindirdi – 6:2, 6:4.

Osylaısha óz toptarynda úzdik shyqqan qazaqstandyq uldar men qyzdar fınalǵa shyǵý úshin Ózbekstan quramasymen talasatyn boldy.





Eske sala keteıik, budan buryn qazaqstandyq qyzdardyń Azııa birinshiliginiń jartylaı fınalyna shyqqanyn, Anna Danılınanyń Dýbaıdaǵy týrnırdiń shırek fınalyna ótkenin jazǵan bolatynbyz.




Avtor Eljan Eraly
Basty sózder: Ózbekstan, Sport,
Joǵary qaraı