Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tennıs: Astana Open ATP týrnırinde qazaqstandyqtardyń qarsylastary anyqtaldy

2021 jyldyń 18 qyrkúıek 2021 21:18

NUR-SULTAN. QazAqparat – Astana Open ATP 250 týrnırinde qazaqstandyq tennısshilerdiń qarsylastary anyqtaldy, dep habarlaıdy QazAqparat tilshisi.

Qazaqstan tennıs federatsııasy málim etkenindeı, osy jarystyń 2-raketkasy bolyp tirkelgen Aleksandr Býblık dodany ekinshi aınalymnan bastaıdy.

Týrnırdiń birinshi raketkasy bolyp tirkelgen reseılik Aslan Karatsev, sondaı-aq serbııalyqtar Dýshan Laıovıch pen Fılıp Kraıınovıch te birden ekinshi aınalymnan qosylady.

Elimizdiń birinshi, álemniń 34-raketkasy A.Býblık ekinshi aınalymda ıspanııalyq Fernando Verdasko nemese serbııalyq Mıomır Ketsmanovıchtiń bireýimen kezdesedi.

Mıhaıl Kýkýshkın aýstralııalyq Djeıms Dakvortpen kortqa shyǵady. Astana Open ATP 250 týrnıriniń ótken jylǵy chempıony, aýstralııalyq Djon Mıllman irikteý saıysy jeńimpazdarynyń birimen sheberlik baıqasady.

Qazaqstan chempıony atanyp, jarysqa arnaıy shaqyrtý alǵan Tımofeı Skatov ıtalııalyq Andeas Seppıdiń shamasyn baıqap kóredi.

Sonymen qatar basqa da qazaqstandyqtar negizgi týrnırge qatysýdan úmitti. Ol úshin 19 qyrkúıek kúni bastalatyn irikteý saıystarynan sátti ótýi kerek. Denıs Evseev bastapqy kezdesýin ýkraınalyq Ilıa Marchenkomen, Grıgorıı Lomakın shvetsııalyq Elıas Imermen ótkizedi.

Júlde qory 480 myń AQSh dollaryna baǵalanǵan Astana Open ATP 250 dodasy 26 qyrkúıekte márege jetedi.

Eske sala keteıik, budan buryn ıÝlııa Pýtıntsevanyń Slovenııadaǵy jarystyń jartylaı fınalyna shyqqanyn, Jibek Qulambaeva men Tımofeı Skatovtyń Qazaqstannyń absolıýtti chempıondary atanǵanyn jazǵan bolatynbyz.



Avtor Eljan Eraly
Basty sózder: Sport,
Joǵary qaraı