Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Tennıs: Anna Danılına Sıdneı týrnıriniń fınalyna shyqty

2022 jyldyń 14 qańtar 2022 11:14

NUR-SULTAN. QazAqparat – Qazaqstandyq Anna Danılına juptyq synda Sıdneı WTA 500 týrnıriniń fınalyna shyqty, dep habarlaıdy QazAqparat tilshisi.

Qazaqstan tennıs federatsııasy málim etkenindeı, A.Danılına brazılııalyq Beatrıs Haddad Maııamen birge jartylaı fınalda jarystyń 2-raketkalary, japonııalyqtar Sıýko Aıaoma – Ena Shıbaharamen sheberlik baıqasty.

Birinshi partııada jetinshi geımde Anna men Beatrıs breık jasap, sol basymdylyqty saqtap qaldy – 6:4. Ekinshi sette taı-breıkte japonııalyqtar ábjildik tanytty – 7:6 (7:2).

Sýper taı-breıkte qazaqstandyq-brazılııalyq jup 5:2 esebimen alda turǵanymen, qarsylastarynyń tarazy basyn teńestirýine jol berdi. Degenmen sosyn eki mını-breık jasap, jeńisti julyp aldy – 10:6.

Anna men Beatrıs fınalda germanııalyq Vıvıan Haızen – majarstandyq Panna Ýdvardımen bas júldeni sarapqa salady.

Osylaısha A.Danılına juptyq synda WTA 500 serııasyndaǵy dodalarda alǵash ret fınalda baq synamaq.

Eske sala keteıik, budan buryn Anna Danılınanyń Sıdneı týrnıriniń jartylaı fınalyna shyqqanyn, Aýstralııa ashyq chempıonatynda Elena Rybakına men Zarına Dııastyń ózara kezdesetinin jazǵan bolatynbyz.

Sondaı-aq Tımofeı Skatov alǵash ret «Úlken dýlyǵa» týrnırinde baq synaıdy.





Perevod Eljan Eraly
Basty sózder: Sport,
Joǵary qaraı