Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tennıs: Anna Danılına Dýbaıdaǵy  jarystyń jeńimpazy atandy

2021 jyldyń 28 qarasha 2021 00:27

DÝBAI. QazAqparat – Anna Danılına juptyq synda Dýbaıdaǵy ITF W 100 týrnıriniń jeńimpazy atandy, dep habarlaıdy QazAqparat tilshisi.

Osy jarystyń 1-raketkalary bolyp tirkelgen A.Danılına men slovakııalyq Vıktorııa Kýzmova fınalda reseılikter Angelına Gabýeva – Anastasııa Zaharovamen bas júldeni sarapqa saldy.

Birinshi partııada reseılik jup basymdylyq tanytty – 6:4.

Ekinshisinde A.Danılına men V.Kýzmova qarymta qaıyrdy – 6:3. Sosyn sýper taı-breıkte jeńisti julyp aldy – 10:2.

Tartysty báseke 1 saǵat 27 mınýtqa sozyldy.

Osylaısha A.Danılına juptyq synda taǵy bir tıtýlyna qol jetkizdi.

Eske sala keteıik, budan buryn tennısten Devıs kýbogynda Mıhaıl Kýkýshkınniń qarsylasyna ese jibergenin, Aleksandr Býblıktiń esepti teńestirgenin, Qazaqstan quramasynyń Shvetsııany jeńgenin jazǵan bolatynbyz.


Avtor Eljan Eraly
Basty sózder: Sport, Qoǵam,
Joǵary qaraı