Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tennıs: Aleksandr Býblık Madrıd masters týrnıriniń úshinshi aınalymyna shyqty

2021 jyldyń 4 mamyr 2021 20:40

NUR-SULTAN. QazAqparat – Qazaqstannyń birinshi, álemniń 44-raketkasy Aleksandr Býblık Madrıd masters týrnıriniń úshinshi aınalymyna shyqty, dep habarlaıdy QazAqparat tilshisi.

Qazaqstandyq tennısshi ekinshi aınalymda álemniń 14-inshi, osy jarystyń 11-raketkasy, kanadalyq Denıs Shapovalovpen sheberlik baıqasty.

Buǵan deıin qarsylastar ózara bir ret kezdesip, onda A.Býblık jeńiske jetken eken.

Birinshi partııada A.Býblık basymdylyq tanytty – 6:4.

Ekinshi sette kanadalyq sportshy ese qaıyrdy – 7:5.

Úshinshi, sheshýshi sette esep 3:3 bolǵan mezette Býblık breık jasaı aldy. Matchqa dop bergende, óz múmkindigin jibergen joq – 6:4.

Tartysty báseke 2 saǵat 20 mınýtqa sozyldy.

A.Býblık júlde qory 2,6 mln eýrodan asatyn dodanyń shırek fınalyna shyǵý úshin álemniń 9-raketkasy, argentınalyq Dıego Shvartsman nemese reıtıngte 27-satyda turǵan reseılik Aslan Karatsevtiń bireýimen talasady.

Eske sala keteıik, budan buryn Elena Rybakınanyń Madrıd týrnıriniń úshinshi aınalymyna shyǵa almaǵanyn jazǵan bolatynbyz.


Avtor Eljan Eraly
Basty sózder: Sport,
Joǵary qaraı