Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tennıs: Aleksandr Býblık álemdik reıtıngide 35-orynǵa kóterildi

2021 jyldyń 18 qazan 2021 14:16

NUR-SULTAN. QazAqparat – Kásibı tennısshiler qaýymdastyǵy (ATP) álemdegi úzdik oıynshylardyń jańartylǵan reıtıngisin jarııa etti, dep habarlaıdy QazAqparat tilshisi.

Qazaqstan tennıs federatsııasy málim etkenindeı, elimizdiń birinshi raketkasy Aleksandr Býblık 37-den 35-orynǵa kóterildi.

Osylaısha ol óziniń dúnıejúzilik reıtıngtegi rekordtyq kórsetkishine (34) bir taban jaqyndady.

Mıhaıl Kýkýshkın 149-dan 147-ge, Dmıtrıı Popko 165-ten 163-ke, Tımofeı Skatov 271-den 269-ǵa, Denıs Evseev 406-dan birden 370-orynǵa joǵarylady.

Juptyq synda Andreı Golýbev 36-ynshy, Aleksandr Nedovesov 77-satyda keledi.

A.Býblık Máskeýde búgin bastalatyn Kreml kýbogy jarysynda óner kórsetedi. Onyń alǵashqy qarsylasy – irikteý saıysy jeńimpazdarynyń biri, ýkraınalyq Ilıa Marchenko.

Eske sala keteıik, budan buryn Elena Rybakınanyń juptyq reıtıngide birden 47 saty joǵary kóterilgenin jazǵan bolatynbyz.


Avtor Eljan Eraly
Basty sózder: Sport, Qoǵam,
Joǵary qaraı