Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Teńizshevroıl» otandyq kásiporyndardyń taýaryn satyp alýdy ulǵaıtýy kerek – Energetıka mınıstri

2021 jyldyń 15 qazan 2021 20:07

ATYRAÝ. QazAqparat – Energetıka mınıstri «Teńizshevroıl» JShS basshylaryna otandyq kompanııalardyń taýary men qyzmetin satyp alýdy ulǵaıtýdy usyndy, dep habarlaıdy QazAqparat mınıstrliktiń baspasóz qyzmetine silteme jasap.

Energetıka mınıstri Maǵzum Myrzaǵalıev Atyraý oblysyndaǵy Teńiz kenishindegi Keleshek keńeıý jobasy - Uńǵy erneýindegi qysymdy basqarý jobasynyń (KKJ- UEQBJ) qurylysymen tanysty. Qazir atalǵan joba aıasyndaǵy qurylys-montaj jumystarynyń 85 paıyzy atqarylǵan.

Kompanııanyń bas dırektory Kevın Laıonnyń málimetinshe, bıylǵy alty aıda qazaqstandyq kompanııalardan staynp alynǵan taýarlar jáne qyzmet túrleriniń quny 1,7 mlrd AQSh dollaryn quraǵan. Onyń ishinde 1,2 mlrd AQSh dollary Keleshek keńeıý jobasy-Uńǵy erneýindegi qysymdy basqarý jobasy sheńberinde jumsalǵan. Joba bastalǵannan beri bul kórsetkish 11,9 mlrd AQSh dollaryna jetken.




«Bul jobany iske qosý Teńiz kenishindegi munaı óndirisin jylyna 12 mln tonnaǵa arttyryp, jyldyq ónimdi 39 mln tonnaǵa jetkizedi. Jobanyń jańa nysandaryn paıdalanýǵa berý kezinde jańa tehnologııalardy qoldanýǵa múmkindik beredi. Óndiristi basqarýdyń ozyq úlgidegi birikken ortalyǵyn ashý, sondaı-aq, jaqynda iske qosylǵan óndiristik málimetterdi tolyq ońtaılandyrýdy kózdeıtin «vırtýaldy zaýyttyń» múmkindigin keńeıtý josparlanyp otyr» -deıdi bas dırektor.

Mınıstr bul jobanyń ultyq ekonomıka úshin mańyzyn atap ótip, kompanııa basshylaryna qazaqstandyq qyzmet túrleri men taýarlardy paıdalaný aýqymyn ulǵaıtýdy tapsyrdy.

«TShO jobalary jyldar boıy elimizdiń ekonomıkalyq damýyna oń yqpalyn tıgizýde. Másele tek otandyq kásipkerlikti damytý týraly emes. TShO jobalarynyń nátıjesinde tehnologııalar transferti júzege asyrylýda. Mamandardyń biliktiligi arttyrylyp, aımaqtyń ınfraqurylymy jańǵyrtylýda», - dedi Maǵzum Myrzaǵalıev.




Teńiz kenishinde der kezinde qolǵa alynǵan saqtyq sharalarynyń nátıjesinde Ekinshi býyn zaýyty (EBJ)-Shıki gaz aıdaý (ShGA) nysandarynda kúrdeli jóndeý jumystary josparly merzimnen tórt kún buryn sátti aıaqtalǵan. Kúrdeli jóndeý kezinde 6400-den asa qyzmetker 1,4 mıllıon adam-saǵat jumysty oıdaǵydaı atqardy. Oǵan túrli ınjınırıngtik baǵytta – kompressorlar men týrbınalardy jóndeý men aýystyrý jumystaryn qamtıtyn 36 qazaqstandyq kompanııa tartylǵan.

Qazir Teńiz kenishinde eńbek etetin 70 myńnan asa qyzmetker vaktsınanyń tolyq komponentin alǵan. Bul – barlyq eńbek kúshiniń 90%-y.

Energetıka mınıstri kenishtegi joba aıasynda alǵashqy munaıdy josparlanǵan merzimde – 2023 jyldyń sońyna qaraı alý kerektigin atap ótti.





Avtor Bek Mustafa
Basty sózder: Atyraý oblysy, Energetıka,
Joǵary qaraı