Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Teńiz kenishinde 5 avtobýstyń órtenýi: Oqıǵa sebebi anyqtaldy

2021 jyldyń 6 naýryz 2021 02:14

ATYRAÝ. QazAqparat – Atyraý oblysynyń Teńiz kenishinde 5 avtobýstyń órtený sebebi anyqtaldy, dep habarlaıdy QazAqparat tilshisi.

Buǵan deıin Jylyoı aýdanynda ornalasqan Teńiz kenishinde 5 avtobýs órtenip ketkenin jazǵan edik.

«SSER» kompanııasy baspasóz qyzmetiniń málimetinshe, qyzmettik avtobýstar Teńiz vahtalyq qalashyǵyndaǵy turaqqa saǵat 19:00-de kelip, jolaýshylar túsirilgennen keıin qozǵalysty toqtatqan. Turaqqa qoıylǵan avtobýstardyń biriniń motor bóliginen shyqqan órtti «SSER» kompanııasynyń sıgnal berýshi qyzmetkeri baıqaǵan.

«Alǵashqy qyzmettik tekseris kórsetkendeı, sıgnal berýshi artqy jaqta turǵan avtobýstardyń biriniń qozǵaltqysh bóliginen shyqqan tútindi baıqaǵan. Nusqaýlyqqa sáıkes, ol dereý kezekshige habarlaǵan. Oqıǵa ornyna «SSER» kompanııasynyń órt sóndirý komandasy, sondaı-aq «Teńizshevroıl» kompanııasynyń apatqa qarsy quramynyń (PAS) qyzmetkerleri men úsh arnaıy tehnıkasy jedel jetti», - dep habarlady kompanııanyń baspasóz qyzmetinen.

Alaıda, sekýndyna 15-20 metr kúshpen soqqan jeldiń ekpinimen jalyn jaqyn mańdaǵy avtobýstarǵa tez taraǵan. Sonyń saldarynan 5 avtobýs órtengen.

«Saǵat 21.00-de órt tolyǵymen óshirildi. Qaza bolǵandar men zardap shekkender joq. Órt sóndirilgennen keıin oqıǵa orny qoqystardan tazartyldy. Kompanııa qyzmetkerleri shtattyq rejımde qaıta jumys isteı bastady.

Sarapshylardyń pikirinshe, órttiń tutanýyna avtobýstyń motor bóligindegi elektr symdarynyń qysqa tuıyqtalýy sebep bolǵan. Órttiń naqty sebebin «SSER» kompanııasy «Teńizshevroıl» jáne memlekettik organdar ókilderimen birlesip qurǵan jumysshy komıssııa anyqtaıdy», - dep málim etti kompanııadan.

Aqparatqa súıensek, qyzmettik avtobýstar kún saıyn reıske shyǵar aldynda tekseristen ótip turady. Budan bólek, «Teńizshevroıl» kompanııasynyń talabyna sáıkes, belgilengen merzimde mindetti tehnıkalyq baıqaýdan ótedi.


Joǵary qaraı