Aýa raıy
Astana -5 °S
Almaty 5 °S
valıýta baǵamy
USD 421.58
EUR 496.83
RUB 5.53
CNY 62.20

Tengri Bank salymshylary aqshasyn qalaı alady

2020 jyldyń 18 qyrkúıek 2020 10:09

NUR-SULTAN. QazAqparat – QR Qarjy naryǵyn retteý jáne damytý agenttigi Tengri Bank-ti banktik jáne ózge de operatsııalardy júrgizý jónindegi lıtsenzııasynan aıyrdy. Al bank salymshylary ondaǵy aqshalaryn qalaı alady ?

Qazaqstannyń depozıtterge kepildik berý qorynyń habarlaýynsha, «Tengri Bank» AQ jeke tulǵalardyń depozıtterine mindetti kepildik berý júıesiniń qatysýshysy bolyp tabylady, ıaǵnı jeke tulǵalar men jeke kásipkerlerdiń salymdarynda, aǵymdaǵy shottary men tólem kartochkalarynda ornalastyrylǵan aqshalaryna «Qazaqstannyń depozıtterge kepildik berý qory» AQ (QDKBQ) kepildigi qoldanylady, dep habarlaıdy QazAqparat qordyń baspasóz qyzmetine silteme jasap.

«Bul degenimiz, Agenttik banktiń aktıvteri men mindettemelerin basqa bankke bir mezette ótkizý operatsııasyn júrgizýden bas tartqan jaǵdaıda, QDKBQ salymshylarǵa kepildik berilgen ótemdi tóleý sharasyn júzege asyrady. QDKBQ ótem tóleýdi bastaý kúnin zańnamada bekitilgen merzimde habarlaıdy. ıAǵnı, tólemderdi júzege asyrý sharasy resmı habarlama Qor saıtynda jáne buqaralyq aqparat quraldarynda jarııalanǵan kúnnen bastap, 5 jumys kúni ishinde bastalady»,-delingen habarlamada.

Eske salamyz, QDKBQ kepildik berilgen ótemdi depozıttegi qaldyq soma sheginde, bank lıtsenzııasynan aıyrylǵan kúnge qaraı eseptelgen syıaqyny eskere otyryp tóleıdi:

teńgedegi jınaq depozıtter boıynsha – 15 mln teńgeden; teńgedegi basqa depozıtter boıynsha – 10 mln teńgeden; shetel valıýtasyndaǵy depozıtter boıynsha – valıýta balamasynda 5 mln teńgeden aspaıdy (bank lıtsenzııasynan aıyrylǵan kúni belgilengen valıýta aıyrbastaý baǵamy boıynsha).

Jeke tulǵa nemese jeke kásipkerdiń bankte túri men valıýtasy boıynsha eki jáne odan da kóp kepildendirilgen depozıtteri bar bolsa, QDKBQ olar boıynsha 15 mln teńgeden aspaıtyn kólemde kepildik berilgen jıyntyq ótem tóleıdi. Bul rette shetel valıýtasyndaǵy depozıttiń 5 mln teńgeden aspaıtyn kepildendirilgen qaldyǵy boıynsha shekteý eskeriledi. Saqtalýyna kepildik berilgen shekti somadan asatyn qaldyǵy bar depozıtter boıynsha QDKBQ joǵaryda atap kórsetilgenindeı tek bekitilgen somany ǵana ótedi. Al ótelmeı qalǵan artyq aqsha boıynsha salymshylar bankti eriksiz taratý týraly sot sheshimi zańdy kúshine engen soń baryp, bankti taratý komıssııasyna ótinish bere alady.

Tólemdi alý úshin salymshyda jeke basyn kýálandyratyn qujaty bolsa jetkilikti. Tolyqqandy nusqaýlyq QDKBQ saıtynda ornalastyrylǵan. Depozıtter boıynsha kepildikter jáne kepildik berilgen ótemdi tóleý týraly jalpy aqparattar QDKBQ www.kdif.kz saıtynda qol jetimdi.


Basty sózder: Bankter, Qarjy, Qoǵam,
Joǵary qaraı