Aýa raıy
Astana -8 °S
Almaty -8 °S
valıýta baǵamy
USD 421.58
EUR 496.83
RUB 5.53
CNY 62.20

Temirtaýda páter tonap, úı ıesin óltirip ketken qaraqshylar ustaldy

2020 jyldyń 29 qarasha 2020 13:08

TEMІRTAÝ. QazAqparat - Temirtaýda qaraqshylyq jasap, adam óltirgen qylmystyq top ustaldy, dep habarlaıdy QazAqparat Polisia.kz resýrsyna silteme jasap.

20 qarashada Temirtaý qalasynyń polıtsııa bólimine 32 jastaǵy qala turǵyny habarlasqan. Ol Momyshuly kóshesindegi kópqabattyń úıdiń páterine belgisiz bireýler kirip kelip, tapanshamen qorqytqanyn aıtqan.

Sodan keıin qaraqshylar áıeldi jáne onyń 50 jastaǵy serigin baılap, ekeýin uryp-soqqan. Er adam alǵan jaraqatynan oqıǵa ornynda kóz jumady.

Qylmyskerler úıdegi aqsha men dúnıe-múlikti alyp, ketip qalǵan.

Bul jaıt QR Qylmystyq kodeksiniń 99-baby, 2-bólimi jáne 192-baby, 3-bólimi boıynsha tirkeldi.

Keshendi tergeý kezinde 4 kúdikti anyqtaldy.

26 jáne 28 qarashada júrgizilgen arnaıy operatsııa kezinde kúdiktiler Nur-Sultannan jáne Jezqazǵannan ustaldy. Olar - 25, 29, 34 jáne 39 jastaǵy Sátpaev, Jezqazǵan jáne Nur-Sultan qalasynyń turǵyndary.

«Páterdi qaraý kezinde ártúrli markaly qarý-jaraq pen oq-dári tabyldy. Qazirgi tańda kúdiktiler ızolıatorǵa qamalǵan, tergeý júrip jatyr. Qaskóılerdiń basqa da qylmystarǵa qatysy bar-joǵy tekserilip jatyr» deıdi Qaraǵandy oblystyq polıtsııa departamenti bastyǵynyń orynbasary Ábil Ábildın.



Avtor Janat Qapalbaeva
Basty sózder: Oqıǵa, Zań, Qaraǵandy oblysy,
Joǵary qaraı