Aýa raıy
Astana 8 °S
Almaty 11 °S
valıýta baǵamy
USD 421.58
EUR 496.83
RUB 5.53
CNY 62.20

Temeki tuqylyn oıyn alańyna tastaǵan: Qarasaıda ákimdik qyzmetkerine qatysty tekseris bastaldy

2020 jyldyń 17 qyrkúıek 2020 17:25

TALDYQORǴAN. QazAqparat - Almaty oblysy Qarasaı aýdany ákimdiginiń mamany jeli qoldanýshylardyń narazylyǵyn týǵyzdy, dep habarlaıdy QazAqparat tilshisi.

Jelige taraǵan vıdeodan turǵyndardyń er azamatqa shaǵymyn aıtyp, narazylyq bildirip jatqanyn kórýge bolady. Sol sátte temegi shegip turǵan ol temeki tuqylyn jerge laqtyra salady.

Turǵynnyń biri onyń áreketine ashýlanyp, «balalar alańyna temeki tuqylyn laqtyryp, etıkany saqtamadyń» dep shúıligedi.

Beıádep qylyq kórsetken adam Qarasaı aýdany ákimdiginiń turǵyn úı kommýnaldyq sharýashylyǵy bóliminiń mamany bolyp shyqty.

Endi memlekettik qyzmetkerge qandaı shara qoldanylatyny ázirge belgisiz.

«Osy fakti boıynsha aýdandyq turǵyn úı kommýnaldyq sharýashylyǵy bóliminiń qyzmetkerine qatysty qyzmettik tekseris bastaldy. Onyń qorytyndysy boıynsha tıisti shara qoldanylady» dep jaýap berdi Qarasaı aýdany ákiminiń baspasóz qyzmetinen.



Joǵary qaraı