Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Tekelidegi laı kóshkininiń aldyn ala sebebi aıtyldy

2022 jyldyń 15 mamyr 2022 18:10

TEKELІ. QazAqparat – Almaty oblysy tótenshe jaǵdaılar departamenti Tekelidegi laı kóshkini júrýiniń sebebin atady, dep habarlaıdy QazAqparat tilshisi.

«Aldyn ala anyqtalǵandaı, búgin 15 mamyr kúni saǵat túngi saǵat 01:30-dan 13:00-ge deıingi aryqta jaýyn jaýǵan. Sonymen qatar buǵan deıin búlinip turǵan qubyrdan sý aqqan. Saldarynan topyraq batpaqqa aınalǵan. Kóshkinnen jeke turǵyn úı qırady, bir úı balshyqtyń astynda qaldy, turǵyn úılerdiń taǵy tórteýiniń aýlasyn ishinara laı kóshkini shaıyp ketti. Kýágerlerdiń aıtýynsha, úılerdiń birinde 5 jasar qyz bolýy kerek edi. Al qalǵan turǵyndar qaýipsiz jerde»,- dedi departament baspasóz qyzmeti.





Vedomstvonyń aqparatyna sáıkes, Tekeli qalasyndaǵy laı kóshkininiń aldyn ala uzyndyǵy 50 metr, eni 25 metr, bıiktigi 3,5 metr, kólemi 4375 tekshe metr.








Oqıǵa ornynda Almaty oblysy TJD bastyǵynyń basshylyǵymen tótenshe jaǵdaıdy joıý jónindegi shtab quryldy. Іzdeý-qutqarý jumystaryna jáne tótenshe jaǵdaı saldaryn joıýǵa barlyq tıisti quraldar men kúshter jumyldyrylǵan.

Almaty oblysynyń TJD jedel jeli jumysyn bastady (tel.8 (7282)220218, 220213), psıhologııalyq qyzmet jumysy uıymdastyrylýda.
Esterińizge sala keteıik, buǵan deıin Tekelide laı kóshkini júrip, bes jastaǵy qyz bala joǵalǵanyn habarlaǵan bolatynbyz.









Joǵary qaraı