Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tájikstan jáne Qyrǵyzstan delegatsııalary eki eldiń shekarasyn delımıtatsııalaý jáne demarkatsııalaý boıynsha birlesken málimdeme jasady

2021 jyldyń 1 mamyr 2021 22:50

DÝShANBE-BІShKEK. HOVAR- KABAR -QazAqparat – 1 mamyr kúni Qyrǵyz Respýblıkasynyń Batken qalasynda Qyrǵyzstannyń Memlekettik ulttyq qaýipsizdik komıtetiniń Tóraǵasy K.Tashıev pen Tájikstannyń Memlekettik ulttyq qaýipsizdik komıtetiniń Tóraǵasy S. ıAtımovtyń basshylyǵymen eki eldiń shekarasyn delımıtatsııalaý jáne demarkatsııalaý boıynsha Úkimettik delegatsııalardyń kezekti otyrysy boldy, dep habarlaıdy QazAqparat Hovar agenttigine silteme jasap.

Shekaralas aımaqtaǵy jaǵdaıdy talqylaý barysynda qos tarap ta bolǵan jaıǵa ókinish bildirip, qaza tapqan azamattardyń týǵan-týystaryna kóńil aıtty. Osyndaı jaǵdaıdyń qatalanýyna jol bermeý kerektigi aıtyldy.

Eki tarap ta dereý áskerı tehnıkalardy olardyń turaqty ornyna qaıtarýǵa ýaǵdalasty.

Hovar agenttiginiń málimdeýinshe, kezdesý barysynda tájik-qyrǵyz memlekettik shekarasyn delımıtatsııalaý jáne demarkatsııalaý boıynsha pikir almasý boldy. Topografııalyq jumys toptaryna jaqyn arada qalǵan ýchaskelerdegi memlekettik shekarany túsirýge kirisý tapsyryldy.

Kabar agenttiginiń málimetinshe, qos tarap eki baýyrlas halyqtyń kóne tarıhyna kóz júgirte otyryp, aradaǵy qalǵan shekaraǵa qatysty máseleni sheshýde bir-birine túsinýshilik jáne senim tanytýǵa daıyn ekendikterin aıqyn bildirdi.

Aıta keteıik, 28 sáýir kúni Qyrǵyzstan men Tájikstan shekarasynda eki el turǵyndary ózara kelispeı, qaqtyǵys bastaldy.

Keıin Qyrǵyzstannyń Batken oblysy Batken aýdanynyń «Golovnoı» eldi mekeninde jaǵdaı shıelenise túskeni, el azamattary Isfara-Vorýh tasjolyn jaýyp tastaǵany habarlandy.

29 sáýrde Batken oblysyndaǵy qaqtyǵys aımaǵynan evakýatsııalanǵan qyrǵyzstandyqtardyń sany 848 adamdy qurady.

Osy kúni Qyrǵyzstan men Tájikstan saǵat 20:00-den bastap atysty toqtatý týraly kelisimge keldi



Joǵary qaraı