Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tájikstan Qazaqstannan óteýsiz negizde áskerı-tehnıkalyq kómek alady

2021 jyldyń 25 qarasha 2021 10:38

NUR-SULTAN. QazAqparat – Búgin Senattyń jalpy otyrysynda «Qazaqstan Respýblıkasynyń Úkimeti men Tájikstan Respýblıkasynyń Úkimeti arasyndaǵy óteýsiz áskerı-tehnıkalyq kómek kórsetý týraly kelisimdi ratıfıkatsııalaý týraly» Zańy qabyldandy, dep habarlaıdy QazAqparat tilshisi.

Qazaqstan Úkimeti men Tájikstan Úkimeti arasyndaǵy óteýsiz áskerı-tehnıkalyq kómek kórsetý týraly kelisim 2021 jylǵy 17 sáýirde Nur-Sultan qalasynda jasalǵan.

«Kelisim tájik tarapyna áskerı múlikti, atap aıtqanda, oq-dárilerdi bir ret berýdi kózdeıdi. Qazaqstan tarapy áskerı múlikti Jambyl oblysynyń Otar stantsııasynan Tájikstan Respýblıkasynyń aýmaǵyna deıin («Rohatı» stantsııasy, Dýshanbe qalasy) temirjol kóligimen jetkizýdi qamtamasyz etip, oǵan baılanysty barlyq shyǵysty ózi kóteredi», - dedi QR Qorǵanys mınıstriniń orynbasary Rýslan Shpekbaev.

Onyń aıtýynsha, Tájikstan jaǵy Qazaqstannan alǵan áskerı múlikti, ony paıdalaný quqyǵyn úshinshi tarapqa bermeıdi.

«Áskerı múlikti Tájikstanǵa berý Qazaqstannyń jaýyngerlik ázirligi men qoǵanys qabiletine yqpal etpeıtinin atap ótý qajet», - dedi R. Shpekbaev.

Munymen qosa, búgin senatorlar «Qazaqstan Respýblıkasynyń Úkimeti men Tájikstan Respýblıkasynyń Úkimeti arasyndaǵy tájik-aýǵan shekarasyna irgeles aýdandarda qaýipsizdikti qamtamasyz etýde áskerı-tehnıkalyq járdem kórsetý týraly kelisimdi ratıfıkatsııalaý týraly» Zańdy qabyldady.

Atalǵan kelisim 2021 jylǵy 12 shildede Nur-Sultan qalasynda jasaldy.

«Kelisimge sáıkes Tájikstan tarapy Qazaqstannan beriletin áskerı múlikti tek tájik-aýǵan shekarasyna irgeles aýdandarda qaýipsizdikti qamtamasyz etý maqsatynda qoldanýǵa jáne olardy úshinshi tarapqa bermeýge mindettenedi», - dedi Rýslan Shpekbaev.

Budan buryn habarlanǵandaı, búgin Senattyń jalpy otyrysynda «Qazaqstan Respýblıkasynyń Úkimeti men Qyrǵyz Respýblıkasynyń Úkimeti arasyndaǵy óteýsiz áskerı-tehnıkalyq kómek kórsetý týraly kelisimdi ratıfıkatsııalaý týraly» Zańy qabyldandy.



Joǵary qaraı