Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tájikstan elshisi shekarada kóz jumǵan qazaq sarbazynyń anasyna orden tapsyrdy

2021 jyldyń 20 qazan 2021 20:02

NUR-SULTAN. QazAqparat - Tájikstan elshisi batyr shekarashynyń anasyna «Spıtamen» ordenin tabys etti, dep habarlaıdy QazAqparat.

Bul jaıynda Ulttyq qaýipsizdik komıtetiniń shekara qyzmeti málimet taratty.

Búgin Tájikstan Respýblıkasynyń Qazaqstandaǵy Tótenshe jáne Ókiletti Elshisi Ibodzoda Haırýllo erlikpen qaza tapqan shekarashy Radjan Batyrqanovtyń anasy – Qızat Jylqybaqqyzy Batyrqanovaǵa 1-dárejeli «Spıtamen» ordenin tabys etti.

Eske sala keteıik, buǵan deıin Tájikstan Respýblıkasynyń Prezıdenti Emomalı Rahmon qazaqstandyq shekarashyny nagradtaǵan bolatyn.

Tájikstan Respýblıkasy Prezıdentiniń 2021 jylǵy 30 qyrkúıektegi № 252 Jarlyǵymen Respýblıka Táýelsizdiginiń 30 jyldyǵyna jáne qyzmettik boryshyn oryndaý kezinde tanytqan erligi men janqııarlyǵy úshin kishi serjant Radjan Armııauly Batyrqanov 1-shi dárejeli «Spıtamen» ordenimen nagradtaldy (qaıtys bolǵannan keıin).

Tájikstan halqy 1993-2001 jyldar aralyǵynda tájik-aýǵan shekarasynda áskerı boryshyn ótegen jeke qurama atqyshtar batalonynyń áskerı qyzmetshileri kórsetken erligin eske alyp, qurmet tutady.




Aıta keteıik, Radjan Armııauly (1975-1994) - jaýynger-ınternatsıonalıst, batyr shekarashy.

Jeke qazaqstandyq qurama batalony Kúrshim vzvodynyń quramynda qyzmet atqarǵan.






Joǵary qaraı