Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Táýligine shamamen 15 myń adam ekpe alady - QR DSM

2022 jyldyń 18 mamyr 2022 14:21

NUR-SULTAN. QazAqparat – Jaramdylyq merzimi maýsym aıynyń sońynda aıaqtalatyn jarty mıllıon Pfizer vaktsınasy bar. Bul týraly QR Densaýlyq saqtaý mınıstri Ajar Ǵınııat aıtty, dep habarlaıdy QazAqparat tilshisi.

«Búginde elimizde Pfizer vaktsınasynyń qory 1 mln dozany quraıdy. Merzimine qatysty aıtar bolsam, jarty mıllıon vaktsınanyń jaramdylyq merzimi maýsym aıynyń sońynda aıaqtalady», - dedi Ajar Ǵınııat Ortalyq kommýnıkatsııalar qyzmetinde ótken baspasóz máslıhatynda BAQ ókilderiniń saýalyna oraı.

Sonymen qatar el turǵyndardy revaktsınatsııalaý qalaı júrgizilip jatqanyn aıtty.

«Búginde turǵyndar shyn qalaýymen vaktsınatsııaǵa jáne revaktsınatsııaǵa baryp jatyr. Táýligine shamamen 15 myń adam ekpe alady. Sondyqtan Pfizer vaktsınasymen ekpe jasaý josparǵa saı júrgizilip jatyr», - dedi ol.

Ajar Ǵınııat elimizde jaramdylyq merzimi bitýge jaqyn vaktsınanyń nelikten kóp qalǵanyn da túsindirip ótti.

«Pfizer vaktsınasy bastapqyda bizde bar vaktsına túrlerin eskere otyryp, balalar men júkti áıelderge satyp alynǵan bolatyn. Búginde vaktsınalaýǵa jatatyn júkti áıelderdiń ne bári 30 paıyzy ǵana ekpe aldy. Sondyqtan qalǵan vaktsına el turǵyndaryna salynyp jatyr», - dep túsindirdi mınıstr.


Joǵary qaraı