Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Táýelsizdiktiń 30 jyldyǵyna oraı amnıstııa: QR ІІM zań jobasyn talqylaýǵa usyndy

2021 jyldyń 26 aqpan 2021 10:47

NUR-SULTAN. QazAqparat – QR Іshki ister mınıstrligi «Raqymshylyq jasaý týraly» Qazaqstan Respýblıkasynyń zań jobasyn qoǵam talqylaýyna usyndy, dep habarlaıdy QazAqparat.

Memleket basshysynyń tapsyrmasyn oryndaý maqsatynda Іshki ister mınıstrligi Qazaqstan Respýblıkasy Táýelsizdiginiń 30 jyldyǵyna oraılastyryp, «Raqymshylyq týraly» zań jobasyn ázirledi.

Zań jobasynda qylmystyq jaýaptylyqtan bosatylýǵa jáne jazany óteý merzimderin qysqartýǵa jatatyn sottalǵandardyń sanattaryn aıqyndalǵan.

«Raqymshylyq azamattardyń áleýmettik osal toptaryna jáne azamattar men memlekettiń qaýipsizdigine eleýli qater tóndirmeıtin qylmys jasaǵan, keltirilgen zalaldy ótegen adamdarǵa qatysty bolady», - dedi QR ІІM-nen.

Joba «Ashyq NQA» ınternet-portalynyń «Quqyqtyq kómek» bóliminde ornalasqan. Ony talqylaý bıylǵy 5 naýryzǵa deıin jalǵasady.

Eske salaıyq, byltyrǵy 29 qazanda Іshki ister mınıstrliginiń keńeıtilgen alqa májilisine qatysqan Prezıdent Qasym-Jomart Toqaev Qazaqstan Táýelsizdiginiń 30 jyldyǵyna oraı, azamattarǵa jáne jalpy memleketke qaýip keltirmeıtin qylmys jasaǵan adamdarǵa amnıstııa jasalatynyn jetkizdi.



Joǵary qaraı