Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Táýelsizdiktiń 30 jyldyǵy: Atyraýda «30 ıgi is» marafony bastaldy

2021 jyldyń 3 naýryz 2021 03:10

ATYRAÝ. QazAqparat – Atyraýda el táýelsizdiginiń 30 jyldyǵyna oraı «30 ıgi is» qaıyrymdylyq marafony bastaldy, dep habarlaıdy QazAqparat.

Іs-sharada qatysqan Atyraý oblysynyń ákimi Mahambet Dosmuhambetov atyraýlyqtardy qaıyrymdylyq marafonyna atsalysýǵa shaqyrdy.

«Ótken jyl kúlli álem úshin de, elimiz úshin de kúrdeli synaqtarǵa toly boldy. Elimizde jarııalanǵan tótenshe jaǵdaı, karantındik shekteý kezinde atyraýlyqtar da qaıyrymdylyqtyń jarqyn úlgisin kórsetti. Olardyń arasynda kompanııalaar, medıtsına men áleýmettik sala qyzmetkerleri, quqyq qorǵaý organynyń ókilderi, eriktiler, metsenattar, sondaı-aq, muǵalimder bar. Qaıyrymdylyq marafonyna da sondaı belsendilik tanytýǵa shaqyramyn» -dedi Mhambet Dosmuhambetov.

Qaıyrymdylyq marafonynda Atyraý qalasy men aýdandarda jergilikti kásipkerler arqyly az qamtylǵan 700 otbasyny jyldyq azyq-túlikpen qamtamasyz etý úshin alǵashqy sertıfıkattar tabys etildi. Al ondaǵan jyl bir bómeli úıde turyp kelgen jeti balaly otbasyǵa Atyraý qalasynan 2 bólmeli páterdiń kilti berildi.

Sondı-aq, «Atyraý oblysynyń isker áıelderi» qaýymdastyǵynyń tóraıymy Gúljan Muhataeva eki jasóspirimniń emine jáne múmkindigi shekteýli medıtsına qyzmetkerine qarjylaı sertıfıkattar tabystady. Al, oblystyq ishki saıasat basqarmasynyń ujymy oblystyq balalar aýrýhanasynda onkologııalyq syrqatpen emdeletin balalar úshin 5 dana planshet tabys etti.

Eske sala ketelik budan buryn Atyraýda «30 ıgi is» qaıyrymdylyq aktsııasy bastalǵan edi.


Joǵary qaraı