Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Táýelsizdiktiń 30 jyldyǵy: aqmolalyq jas tarıhshylar men ólketanýshylar bas qosty

2021 jyldyń 4 jeltoqsan 2021 16:48

KÓKShETAÝ. QazAqparat - Aqmola oblysynda mektep oqýshylarynyń qatysýymen onlaın formatta Táýelsizdiktiń 30 jyldyǵyna arnalǵan «Jas tarıhshylar men ólketanýshylar» forýmy ótti, dep habarlaıdy QazAqparat tilshisi oblystyq ishki saıasat basqarmasyna silteme jasap.

Bilim basqarmasy baspasóz qyzmetiniń málimetinshe, oqýshylardy týǵan eliniń tarıhyn zertteýge tartý, qoǵamdyq belsendilikti qalyptastyrý jáne óskeleń urpaqtyń patrıottyq sezimin damytý, sondaı-aq oqýshylardyń ólketaný jáne Qazaqstan tarıhy boıynsha bilimderin keńeıtý maqsatynda ótkizilgen forýmǵa oblystyń 19 aýdany men qalasynan 60-qa jýyq oqýshy qatysty.

Qatysýshylar «Meniń kishi Otanymnyń tarıhy», «Kishi Otanymnyń sımvoly« jáne «Meniń týǵan ólkem« esse baıqaýy sııaqty úsh joba boıynsha jobalaryn tanystyrdy. Oqýshylardy baǵalaý kezinde qazylar alqasynyń músheleri taqyryptyń tolyq ashylýyna, ıdeıanyń biregeıligine, kórkemdik sheberligine, tehnıkalyq jáne sapaly oryndalýyna nazar aýdardy.

«Forým óte tanymdy ótti. Barlyq qatysýshylar Týǵan ólke tarıhy, ólketaný jáne arheologııa boıynsha qyzyqty jobalardy usyndy. Osyndaı is-sharaǵa qatysýǵa múmkindik jasaǵany úshin uıymdastyrýshylarǵa alǵysymdy bildirgim keledi», - dedi Kókshetaý qalasynyń №10 jalpy bilim beretin mektebiniń 11-shi synyp oqýshysy Mılana Podvıtelskaıa.

Forým sońynda osy baǵyttaǵy jumysty odan ári jetildirý boıynsha usynymdar qabyldandy. Baıqaý júldegerleri dıplomdarmen jáne baǵaly syılyqtarmen marapattaldy.


Joǵary qaraı