Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Táýelsizdik jyldary Munaıly aýdanynda shaǵyn kásipkerlik sýbektileri 88% artqan

2021 jyldyń 29 qarasha 2021 15:18

MUNAILY. QazAqparat - Táýelsizdik jyldary Mańǵystaý oblysyndaǵy Munaıly aýdanynda shaǵyn kásipkerlik sýbektisi 88 % artqan, dep habarlaıdy QazAqparat.

Táýelsizdik alǵan jyldar ishinde Munaıly aýdanynda shaǵyn kásipkerlik sýbektisi 88 paıyzǵa artqan.

Sonyń negizinde 10 732 adam jumyspen qamtyldy.

Aýdan qurylǵan jyly Munaılyda 725 shaǵyn kásipkerlik sýbektisi bolsa, búgingi tańda onyń sany 6 myńnan asty.

Aýdanda orta jáne shaǵyn kásipkerliktiń damýy túrli memlekettik nesıelendirýlerge de tikeleı baılanysty.

Aýdanda «Nur kapıtal», «Qarapaıym zattar ekonomıkasy», «Eńbek» syndy baǵdarlamalar negizinde kásipkerler orta jáne shaǵyn bıznesin ashyp, damytý úshin jeńildetilgen nesıe alyp otyr.

2007 jyly 5 kásipker nesıe alǵan bolsa, bıyl 51 kásipker 298,2 mlrd teńge kredıt rásimdegen.

Aýdan kásipkerleri jalpy naryqqa temir beton plıtalaryn, qıyrshyq tas jáne asfalt, penoplasttan bastap, sút, un, et jáne shujyq ónimderin, kókónister usynýda.

Sońǵy 2 aıda Munaılyda sút ónimderin shyǵaratyn zaýyt jumys isteıdi. Naryqqa 22 túrli sút ónimderin shyǵarady.

«Aqmol» JShS óndirgen taýarlar ózge ónimdermen salystyrǵanda 30%-ǵa arzan. Zaýyt 30 adamdy jumyspen qamtyp otyr.

Jalpy Mańǵystaý oblysynda Táýelsizdik alǵan jyldary shaǵyn jáne orta bıznes sýbektileriniń sany 4 ese artyp, 55 myńǵa jetti.














Joǵary qaraı