Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Táýelsizdik jyldary Qazaqstanda 250-den astam serıal túsirilgen

2021 jyldyń 2 jeltoqsan 2021 19:21

NUR-SULTAN. QazAqparat –Táýelsizdiktiń 30 jylynda 250-den astam otandyq serıal túsirilgen, dep habarlaıdy QazAqparat tilshisi.

Bul týraly QR Aqparat jáne qoǵamdyq damý mınıstri Aıda Balaeva Kazmedia ortalyǵyndaǵy Qazaqstan telearnasy túsirgen 6 tarıhı serıaldyń tanystyrylymynda aıtty.

«Táýelsizdik kezeńinde memleketimiz qandaı qıyn jaǵdaı bolsa da, ónerge, sonyń ishinde kıno ónerine erekshe qamqorlyq tanytyp otyrdy. Esterińizde bolsa, eń birinshi otandyq serıal «Toǵysqan taǵdyrlar» degen atpen kórermenge jol tartqan edi. Osy ónimderden lep alyp, keıin talaı serıaldar túsirildi. Olardyń ishinde sapalysy da, sapasy tómenderi de boldy. Halyqtyń synyna ushyraǵandary da bar. Otandyq ónimderdi maqtaýshylar da, dattaýshylar da tabylady. Biraq, munyń bári osy salanyń qalyptasyp, damýyna septigin tıgizdi. Sol jobalar arqyly óstik, tájirıbe jınadyq, sapany kóterdik», - dedi mınıstr.

Vedomstvo basshysynyń sózine qaraǵanda, Táýelsizdiktiń 30 jylynda qazaq kıno ındýstrııasy óz jolyn tapqan.

«Kıno ındýstrııasy, sonyń ishinde serıaldar ındýstrııasy jyldan-jylǵa qarqyn alyp keledi. Keıingi 5 jyldyń ishinde 3500-den astam serııadan turatyn 250-ge jýyq serıal túsirildi. Onyń 50-den astamy Túrkııa, Ózbekstan, Qyrǵyzstan, Reseı memleketterinde satyldy. Osydan 10 jyl buryn serıal daıyndaıtyn prodakshn kompanııalar saýsaqpen sanaıtyn edik. Qazir bul saladaǵy báseke óte joǵary. Mysaly, bıyl ótken Astana Media Week jobasyna serıal janrynda qatysqysy kelgen 100-den astam prodakshn kompanııadan ótinish tústi. Bul salanyń kúndelikti damyp jatqanyn kórsetedi», - dedi Aıda Balaeva.


Joǵary qaraı