Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Táýelsizdik jyldary Aqmola oblysynda 239 joba júzege asyryldy

2021 jyldyń 25 qarasha 2021 14:18

KÓKShETAÝ. QazAqparat - Táýelsizdiktiń 30 jyly ishinde Aqmola oblysynyń ındýstrııalyq sektory orasan zor serpilis jasady, 35 iri jáne orta ónerkásiptik kásiporyndar quryldy, olardyń arasynda halyqaralyq standarttarǵa sáıkes keletin jańa zamanaýı joǵary tehnologııalyq zaýyttar men fabrıkalar bar, dep habarlaıdy QazAqparat tilshisi oblystyq ishki saıasat basqarmasyna silteme jasap.

Vedomstvonyń málimetinshe, 1991 jyldan bastap Taýarlyq ónim óndirisi 100 eseden astam ósti, 30 jyl buryn óńdeý salasynyń úlesi 60 paıyzdy qurady, al búgingi kúni 80 paıyzdan asady. Jyl saıyn memlekettik baǵdarlamanyń arqasynda ınvestıtsııa kólemi artyp, jańa jumys oryndary ashylýda.

Kásipkerlik jáne ónerkásip basqarmasynyń basshysy Erbol Ospanovtyń aıtýynsha, ındýstrııalyq sektor óńir ekonomıkasyn damytýdyń basym baǵyttarynyń biri sanalady.

«Investıtsııalar kóleminiń ósýine negizinen ınvestıtsııalyq jobalardy iske asyrý yqpal etedi. Táýelsizdik jyldary ónerkásipte 530,3 mıllıard teńgege 239 joba iske asyryldy, 13,3 myń jańa jumys orny quryldy, onyń ishinde 103 joba ındýstrııalyq-ınnovatsııalyq damýdyń memlekettik baǵdarlamasy aıasynda», - dep bólisti vedomstvo basshysy.

Óńirdegi mańyzdy jobalardyń biri Stepnogor qalasynda qýattylyǵy jylyna 180 myń tonnaǵa deıingi kúkirt qyshqyly zaýytyn rekonstrýktsııalaý, Tselınograd aýdanynda óndirý qýaty jylyna 20 myń tonnaǵa deıingi broıler qus fabrıkasy, qýaty 4,1 tonnaǵa deıingi Aqsý, Bestóbe jáne Jolymbet kenishterindegi altyn óndirý fabrıkalary boldy.




Búginde Memlekettik baǵdarlamalar aıasynda jobalardy iske asyrýdyń arqasynda oblysta polıpropılennen jasalǵan qaptama ydys, soıa maıy, taý-ken óndirý, qorǵanys jáne avıatsııa ónerkásibine, temirjol kóligine, munaı-gaz keshenine arnalǵan quıma buıymdar, halyq tutynatyn taýarlar, aýyl sharýashylyǵy tehnıkasy tárizdi taýarlardyń óndirisi ıgerildi.

Aıta keteıik, oblysta aǵymdaǵy jyly jalpy ınvestıtsııa somasy 22 mıllıard teńgege 22 ındýstrııalyq jobany iske qosý josparlanýda, bul 400 myńnan astam jańa jumys oryndaryn qurýǵa múmkindik beredi. Qazirdiń ózinde 12 joba paıdalanýǵa berilip, 968 jańa jumys orny ashyldy.

Olardyń ishinde eń irileri: Stepnogor qalasynda ónimdiligi jylyna 5 mıllıon tonna altyn óndirý fabrıkalarynyń qurylysy, Kókshetaý qalasynda aýyl sharýashylyǵy tehnıkasynyń óndirisin keńeıtý.


Joǵary qaraı