Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Táýelsizdik qurdasy: Aqmolalyq turǵyn kıim tigip, bıznesin damytýda

2021 jyldyń 6 jeltoqsan 2021 20:40

KÓKShETAÝ. QazAqparat - Búgingi tańda Aqmola oblysynda el Táýelsizdiginiń qurdastary túrli mamandyqtardy ıgerip, elimizdiń gúldenýi men damýyna eńbek etýde. Olardyń qatarynda Astrahan aýdanynyń turǵyny, jas kásipker Aısulý Ómirzaq tapsyrys boıynsha kıim tigip, bıznesin dóńgeletip otyr, dep habarlaıdy QazAqparat tilshisi.

Oblystyq ishki saıasat basqarmasy usynǵan málimetke súıensek, Aısulý jastaıynan ózge qyzdar sııaqty úıinde kıim tigip, toqýmen aınalysty. Er jetkende kıim tigý boıynsha óziniń jeke kásibin ashýdy armandady. Armany ony adastyrmady. Bala kezden tájirıbe jınaǵan ol, eseıe kele dostary men tanystaryna tapsyrys boıynsha jańa kıim tigip nemese eskisin jańartyp berip júrdi.




«Men árqashan kıim tigý boıynsha bıznes ashyp, ıdeıamdy odan ári damytqym keldi. Mine, osy jospardy 30 jasqa tolǵanymda júzege asyra aldym», - dedi Táýelsizdik qurdasy.

Aısulý bıznesine myqtap kirispen buryn aldymen Kásipkerler palatasynyń Astrahan aýdandyq fılıalyna júginip, keńes alǵan. Onda «Bastaý Bıznes» jobasy boıynsha arnaıy kýrstan ótip, sertıfıkat alyp shyǵady. Keıin jeke kıim tigý, kıimdi qalpyna keltirý boıynsha óziniń bıznes-josparyn qorǵap, 200 aılyq eseptik kórsetkish kóleminde qajetti grant alyp, jabdyq satyp alady.

Osylaısha, qazir ol aýdan ortalyǵynda úı-jaıdy jalǵa alyp, óziniń súıikti isimen aınalysýda. Aısulýdyń aıtýynsha, mataǵa órnekter men jazýlardy túsirý klıentter arasynda erekshe suranysqa ıe.

«Meniń armanym elimiz Táýelsizdiginiń 30 jyldyq mereıtoıy jyly júzege asyrylǵanyna óte qýanyshtymyn. Barsha qazaqstandyqty osy merekemen quttyqtaımyn. Bizdiń Qazaqstanymyz damyp, nyǵaıyp, gúldene bersin», - dep túıindedi Aısulý Ómirzaq.


Joǵary qaraı