Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Táýelsizdik 30 jyldyǵy: Elordalyq metsenat bıznesmenderge úndeý joldady

2021 jyldyń 21 shilde 2021 16:22

NUR-SULTAN. QazAqparat – Astanalyq metsenat, dızaıner Mansýra Jáken bıznesmenderdi Táýelsizdik 30 jyldyǵy qarsańynda qaıyrymdy isterge kóbirek atsalysýǵa úndedi, dep habarlaıdy QazAqparat tilshisi.

«Nur-Sultan qalasynda metsenat degen atqa saı turǵyndar kóp ekenine senimdimin. «Rýhanı jańǵyrý» baǵdarlamasynyń aıasynda «Qaıyrymdy ister marafony» jáne «30 qaıyrymdy is» atty aktsııalar ótip jatqanyn bilesizder. Men de sol aktsııalarǵa qatysyp júrmin. Syılyqtyń eń jaqsysy óz qolyńmen istegen» degendeı, Qýanyshbaev atyndaǵy qazaq drama teatryna óz qolymnan shyqqan keskindemelik pano syılaǵan bolatynmyn. Bul mozaıkada qazaq jigitteriniń ór rýhy áspettelgen. Naryqtaǵy quny – 35 mln teńge», - dedi metsenat qalalyq ákimdik ótkizgen onlaın brıfıngide.

Dızaıner jaqyn adamǵa járdemdesý qazaq halqynyń qanynda bar qasıet ekenin aıtyp, áriptesterin, kún saıyn ıgi isterge muryndyq bolýǵa shaqyrdy.

«Qaıyrymdy ister marafony» aıasynda áleýmettik jobalarmen aınalysatyn úkimettik emes uıymdarǵa ózim keskindegen 7 esikti syıǵa tarattym. Olardyń jalpy quny – 4 mln teńge. Sonymen birge men avtovolonter retinde de «Rýhanı jańǵyrý» jobalyq keńsesiniń jumystaryna atsalysamyn. Pandemııa kezinde muqtaj otbasylarǵa azyq-túlik pen turmysqa qajetti zattar jetkizip berdik. Barsha otandastarymyzdy, bıznesmen áriptesterimdi qaıyrymdy ister aktsııa aıasynda ǵana emes, kún saıyn jasaýǵa úndegim keledi. Jaqynǵa járlemdesý – bizdiń qanymyzda bar qasıet. Sondyqtan ózimizdiń kim ekenimizdi umytpaı, aınalamyzǵa kómektese júreıik», - dedi Mansýra Jáken.


Joǵary qaraı