Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Taýarly gazdyń bólshek saýda naryǵyn demonopolızatsııalaý bastaldy

2022 jyldyń 24 mamyr 2022 14:10

NUR-SULTAN. QazAqparat – Elimizdiń taýarly gazdy bólshek saýdada satý naryǵyn demonopolızatsııalaý bastaldy. Bul jaıynda QR Premer-Mınıstri Álıhan Smaıylovtyń Senat depýtattarynyń saýalyna bergen jaýabynda aıtylǵan, dep habarlaıdy QazAqparat tilshisi.

«Taýarlyq gazdy bólshek saýdada satý naryǵynda «QazTransGaz Aımaq» AQ-tyń bólshek saýdadaǵy basym quqyǵyn táýelsiz gaz taratýshy uıymdarǵa berý arqyly naryqty demonopolızatsııalaý bastaldy. Aıtalyq, búginde jeke operatorlardyń úlesi 16 paıyzǵa jetip otyr. Táýelsiz gaz taratýshy uıymdardyń jeke ınvestıtsııasyn tartý arqyly «Gazdandyrýdyń bas syzbasyn» júzege asyrý jalǵasady. Atalǵan shara memlekettiń taýarlyq gazdy bólshek saýda naryǵyndaǵy basymdyqqa ıe yqpalyn kezeń-kezeńimen tómendetip, básekeleniń artýyn qamtamasyz etýge múmkindik beredi», - dep atap ótedi Úkimet basshysy jaýabynda.

Sonymen qatar Premer-Mınıstr «QazTransGaz Aımaq» AQ ashyqtyǵyn arttyrý, satyp alýdaǵy shyǵyndaryn ońtaılandyrý jumysy jalǵasyp jatqanyn atap ótedi.

Buǵan deıin Álıhan Smaıylov jaýabynda Reseı tarapy Qazaqstannyń soltústik jáne shyǵys óńirlerin gazdandyrý nusqasyn qaraýǵa daıyn ekenin aıtqanyn habarlaǵan edik.


Joǵary qaraı