Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Taý-ken salasyndaǵy bedeldi «Altyn Gefest» baıqaýynyń jeńimpazdary marapattaldy

2021 jyldyń 24 qazan 2021 03:15

JEZQAZǴAN. QazAqparat – Nur-Sultanda taý-ken salasyndaǵy bedeldi «Altyn Gefest» baıqaýynyń jeńimpazdary marapattaldy. Marapattar Astana Mining & Metallurgy – AMM 2021 11-shi Halyqaralyq taý-ken metallýrgııalyq kongresinde tapsyryldy. Qaraǵandy oblysynyń turǵyny Nurjan Qoıshybekov «Jyl metallýrgi» nomınatsııasynda úzdik dep tanyldy.

«Altyn Gefest» ıesi Jezqazǵanda «Qazaqmys korporatsııasy» JShS quıý -mehanıkalyq zaýytynda jumys isteıdi. Nurjan Qoıshybekov 35 jasta, ol kópbalaly áke, áıelimen alty balany tárbıelep otyr. Óndiriske Qaraǵandy memlekettik tehnıkalyq ýnıversıtetin bitirgen soń keldi. Ol qyzmetinde slesarlyqtan bas metallýrgke ósti.

Nurjan Qoıshybekov Jezqazǵan quıý -mehanıkalyq zaýytynda 12-shi jyl jumys isteıdi. Ol balqytý sheberi, tehnolog boldy. 28 jasynda kásiporynnyń bas metallýrgi atandy. Búginde ol metallýrgııalyq óndiristiń tehnologııalyq daıyndyǵynyń barlyq protsesterine jaýap beredi. Túrkııanyń iri zaýyttarynyń birinde tájirıbeden ótti.

«Árıne, jaýapkershilik úlken. Áriptesterdiń senimin aqtaý, kásibı maman ekenimdi moıyndatý úshin ýaqyt pen tájirıbe qajet boldy», – deıdi Nurjan Qoıshybekov.

Dástúrli «Altyn Gefest» baıqaýy 2009 jyldan beri ótkizilip keledi. Bul marapat eń bedeldilerdiń biri bolyp sanalady jáne mamandar men jas mamandar úshin mańyzdy.


Avtor Agata Mýhamedjanova
Basty sózder: Qaraǵandy oblysy, Qoǵam,
Joǵary qaraı