Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Taý-ken metallýrgııa salasynda qosylǵan quny joǵary ónim óndirisine basa nazar aýdarý qajet

2021 jyldyń 20 qazan 2021 12:22

NUR-SULTAN. QazAqparat – Taý-ken metallýrgııa salasynda qosylǵan quny joǵary ónim óndirisine basa nazar aýdarý qajet. Bul týraly QR Indýstrııa jáne ınfraqurylymdyq damý vıtse-mınıstri Ádilbek Sársembaev aıtty, dep habarlaıdy QazAqparat tilshisi.

«Qosylǵan quny joǵary ónim óndirisine basa nazar aýdara otyryp, elimizdiń taý-ken metallýrgııa salasyna transulttyq kompanııalardy tartý - bul baǵyttaǵy negizgi mindet bolýy tıis. Bul qadam el ishinde metaldardy qaıta óńdeý deńgeıin arttyrýǵa múmkindik beredi», - dedi vıtse-mınıstr elordada ótip jatqan Astana Mining & Metallurgy 11-shi taý-ken metallýrgııalyq kongresi barysynda.

Sonymen qatar ol resýrs jáne energııa únemdeý saıasatyn engizý, elimizdiń kómirtegi beıtaraptyǵyn qamtamasyz etý mańyzdy aspekti sanalatyndyǵyn atap ótti.

«Keleshek urpaq úshin qatty paıdaly qazbalardy saqtaý maqsatynda búginde energetıkalyq shyǵyndardy barynsha tómendete otyryp, paıdaly shıkizattardy tolyqtaı óndirýge baǵyttalǵan jańa tehnologııalardy qoldaný qajet. Qorshaǵan ortany qorǵaý jáne saqtaý ónerkásiptik ekonomıkanyń bolashaqta turaqty damýy úshin mańyzdy alǵyshart sanalady. Bul úshin qazirden bastap-aq eknomıkalyq ósim men jasyl ekonomıka saıasatyn júzege asyrý arasyndaǵy teńgerimge qol jetkizý kerek», - dedi Ádilbek Sársembaev.


Joǵary qaraı