Aýa raıy
Astana -4 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Tatarstandyq dárigerler koronavırýspen kúreske qoldaý kórsetý úshin Óskemenge keldi

2020 jyldyń 18 shilde 2020 12:50

ÓSKEMEN. QazAqparat – Shyǵys Qazaqstan oblysynyń ákimi Danıal Ahmetovtiń shaqyrýymen koronavırýs ınfektsııasyn emdeýge medıtsınalyq kómek kórsetip, keńes berý úshin Óskemen qalasyna Tatarstan respýblıkasynan 12 dáriger keldi, dep habarlaıdy QazAqparat oblystyq aqparat ortalyǵyna silteme jasap.

Shyǵysqazaqstandyq dárigerlerge Reseıden kelgen anestezıolog-reanımatolog, rentgenolog, pýlmonolog, ınfektsııalyq gospıtaldiń dárigerleri men qyzmetkerleri kómektesedi. Dárigerler tobyn Tatarstan Respýblıkalyq klınıkalyq aýrýhanasy bas dárigeriniń medıtsınalyq qyzmet kórsetý jónindegi birinshi orynbasary Marsel Mınnýlın basqardy.

«Bul sapar – biz úshin eki el dárigerleriniń arasynda tájirıbe almasý ǵana emes, sonymen qatar koronavırýsty emdeýde bir-birimizge kómek kórsetý. Koronavırýs – durys júrgizilýi tıis satylyq aýrý. Vırýstyń «satylyq sıpaty» bar bolǵandyqtan, patsıent jaǵdaıynyń nasharlaıtyn kezeńderi bolady. Eń bastysy – bul kúnderi durys áreket etip, naýqasqa qajetti preparattar engizý, apparatqa durys qosý. Bul áreketter oń nátıjesin beredi», - dep atap ótti Mınýllın.





Eske sala ketsek, Shyǵys Qazaqstan oblysynyń ákimi Danıal Ahmetov Tatarstannan mamandardy tartý úshin Tatarstan prezıdenti Rýstam Mınnıhanovpen kelissózder júrgizdi.

Atap óteıik, oblysta tósek-oryn qoryn qajetti jabdyqtarmen jabdyqtaý úshin aýqymdy jumystar júrgizilýde. Búginde mundaǵy ókpeni jasandy jeldetýdiń (ÓJJ) 196 apparaty, 57 tsıfrlyq rentgen-apparatyna qosymsha ókpeni jasandy jeldetýdiń 50 apparaty, 10 rentgen-apparaty satyp alynǵan. Sondaı-aq 200 monıtor, 200 ınfýzomat, úsh EKMO, 178 pýlsoksımetr, 12 ÓJJ, sonyń ishinde balalarǵa arnalǵan ÓJJ eki apparaty, bir kompıýterlik tomograf satyp alý josparlanǵan. Sondaı-aq, jedel járdem avtomobılderiniń parkin 216 kólikke kóbeıtý jospary bar.


Joǵary qaraı