Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tashkentte 200-den astam bilim mekemesi karantınge jabyldy

2021 jyldyń 4 mamyr 2021 20:21

TAShKENT. QazAqparat – Tashkentte stýdentter, mektep oqýshylary jáne mektepke deıingi bilim mekemelerindegi tárbıelenýshiler arasynda koronavırýs juqtyrý oqıǵalary kóbeıdi. Osyǵan baılanysty ondaǵy 200-den astam oqý mekemesi karantınge jabyldy. Bul týraly QazAqparat Ózbekstan Respýblıkasy sanıtarlyq-epıdemıologııalyq ál-aýqat jáne qoǵam densaýlyǵy qyzmet basqarmasynyń ókili Nodır Sýltonmýrodovtyń málimdemesine silteme jasap habarlaıdy.

«Tashkentte orta bilim beretin 135 mekeme, joǵary bilim beretin 35 oqý orny, 22 mektepaldy bilim berý mekemesi, 3 emdeý-aldyn alý mekemesi jáne qyzmet kórsetýdiń 2 nysany koronavırýs juqtyrý oqıǵalarynyń rastalýy sebebimen eki aptaǵa jabyldy», - dep habarlady Ózbekstan sanıtarlyq-epıdemıologııalyq qyzmetiniń ókili.

Onyń aıtýynsha, kún saıyn Tashkentte COVID-19 vırýsyn anyqtaý boıynsha 8000-ǵa deıin zerthanalyq test ótkiziledi, sonyń ishinde 2,5−3,5 paıyzynan vırýs anyqtalyp otyr.

Eske sala ketsek, 27 sáýirden bastap Samarqanda mektep oqýshylary men balabaqsha tárbıelenýshileriniń arasynda koronavırýsqa shaldyǵý oqıǵalarynyń kóbeıýine baılanysty qalanyń barlyq mektepteri men balabaqshalary karantınge jabyldy.

Budan basqa, Ózbekstanda koronavırýsqa shaldyqqan 20-45 jas aralyǵyndaǵy patsıentter sany eki esege jýyq ósken.


Joǵary qaraı