Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Tashkent zoobaǵynda anasy qyzyn aıý qamalǵan torǵa laqtyryp jiberdi

2022 jyldyń 29 qańtar 2022 12:50

TAShKENT. QazAqparat – Tashkent zoobaǵynda anasy 3 jasar qyzyn aıý ornalastyrylǵan torǵa laqtyryp jiberdi. Bul týraly QazAqparat uzreport portalyna silteme jasap habarlaıdy.

Haıýanattar baǵynyń málimetinshe, kelýshiler men mekeme qyzmetkerleriniń áreketine qaramastan, áıeldi toqtatý múmkin bolmaǵan.

Kavkazdyq qońyr aıý Zýzý qazylǵan orǵa asyqpaı túsip, qyzdyń janyna kelip, ıiskegen. Keıin burylyp, ketip qalǵan. «Jabaıylar» bóliminiń qyzmetkerleri ańnyń nazaryn ózderine aýdartyp, ony ishki bólmege kirgizip alǵan.

«Tordan shyǵarylǵan sábıdi birden zoobaq medbıkesi qarap shyqqan. Qyz bala tek 5 metrge jýyq bıiktikten qulaǵannan zardap shekken. Bastapqy tekserý kezinde soqqy alǵannan basqa qandaı da bir jaraqattar anyqtalǵan joq», - delingen zoobaq aqparatynda.

Qazir bala dárigerlerdiń baqylýynda.

Aıýdyń balany azyq retinde qabyldaǵanynda oqıǵa nemen aıaqtalatynyn oılaý óte qıyn.

Áıelge qatysty qylmystyq is qozǵaldy, dep habarlady ÓR Bas prokýratýrasynan.


Basty sózder: Álem, Oqıǵa,
Joǵary qaraı