Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Tártipsizdikter men tonaý oqıǵalaryn tergeýge baılanysty 68 sot sarapshysynan turatyn rezerv quryldy

2022 jyldyń 28 qańtar 2022 10:17

NUR-SULTAN. QazAqparat -Almaty qalasynda 33 sot sarapshysy qańtar aıyndaǵy oqıǵalar kezindegi tártipsizdikter men tonaý jaǵdaılaryn tergeý aıasynda jumys istep jatyr, dep habarlaıdy QazAqparat QR Úkimetiniń baspasóz qyzmetine silteme jasap.

Saraptamany 19 jergilikti jáne basqa óńirlerden issaparǵa jiberilgen 14 maman júrgizip jatyr. Osylaısha, sot sarapshylarynyń júktemesi qalypty sheginde, qaǵazbastylyqqa salyný jáne jumys merzimin keshiktirý jaǵdaılary joq. Jalpy, Almaty qalasynda 5 baǵyt boıynsha, atap aıtsaq, qurylys, taýartaný, órt tehnıkalyq, ballıstıkalyq jáne ekonomıkalyq.saraptamalar júrgizilýde.

Premer-Mınıstr Álıhan Smaıylovtyń tapsyrmasy boıynsha jedel tergeý maqsatynda Ádilet mınıstrligi 68 sot sarapshysynan turatyn qosymsha rezerv qurdy, olardyń kópshiligi ekonomıkalyq saraptamaǵa mamandanǵan.

2021 jylǵy 31 qańtardan bastap rezervtegi mamandardyń bir bóligi óńirge jiberiledi. Qalǵandary tıisti organdardyń sot saraptamasyn taǵaıyndaýyna qaraı jumysqa tartylatyn bolady.

Úkimettiń baspasóz qyzmeti osyndaı saraptamalyq jumystar Shymkent qalasy men Jambyl, Qyzylorda, Almaty, Aqtóbe, Shyǵys Qazaqstan oblystarynda da júrgizilip jatqanyn atap ótti.


Joǵary qaraı