Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Tártipsizdikten zardap shekkenderdiń bankke qaryzyn óteý merzimi shegerildi - Premer-Mınıstr

2022 jyldyń 18 qańtar 2022 09:57

NUR-SULTAN. QazAqparat – Kúshtik qurylymdar men azamattyq qorǵaý organdarynyń qyzmetkerlerine tıisti memlekettik qoldaý kórsetiletin bolady. Bul týraly Úkimet otyrysynda Premer-Mınıstr Álıhan Smaıylov málim etti, dep habarlaıdy QazAqparat tilshisi.

«Memleket basshysy Úkimetke Áleýmettik-ekonomıkalyq jaǵdaıdy turaqtandyrý jónindegi Jedel is-qımyl josparyn ázirlep, qabyldaýdy tapsyrdy. Jospardyń jobasynda qaýipsizdikke, azamattar men bıznes sýbektilerin jan-jaqty qoldaýǵa jáne eldegi áleýmettik-ekonomıkalyq jaǵdaıdy tez arada turaqtandyrýǵa arnalǵan birqatar shuǵyl ári qysqa merzimdi sharalar qamtylǵan. Jospardy iske asyrý barysynda, birinshi kezekte, qaza tapqan azamattardyń otbasylary men zardap shekkenderge kómek kórsetiledi. Sondaı-aq kúshtik qurylymdar men azamattyq qorǵaý organdarynyń qyzmetkerlerine de tıisti memlekettik qoldaý kórsetiletin bolady», - dedi Á. Smaıylov.

Osy oraıda Úkimet basshysy jospardaǵy Іshki ister mınıstrligine qatysty tarmaqtardyń barlyǵy óte mańyzdy ári olar sapaly jáne jedel oryndalýy tıis.

«Jappaı tártipsizdikter saldarynan zardap shekken azamattar men zańdy tulǵalardyń banktik qaryzdary men mıkrokredıtterin óteý merzimi tótenshe jaǵdaı aıaqtalǵansha shegerildi», - dedi Premer-Mınıstr.

Budan buryn habarlanǵandaı, búgin Úkimet otyrysynda Ulttyq ekonomıka mınıstri Álibek Qýantyrov «Qazaqstan Respýblıkasyndaǵy áleýmettik-ekonomıkalyq jaǵdaıdy turaqtandyrý jónindegi jedel is-qımyldar josparyn bekitý týraly» QR Úkimeti qaýlysynyń jobasyn tanystyryldy. Talqylaýdan keıin qujat jobasy bekitildi.


Joǵary qaraı