Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Tártipsizdikten zardap shekken 45 memlekettik ǵımarat jóndeýden ótedi

2022 jyldyń 22 qańtar 2022 16:21

NUR-SULTAN. QazAqparat - Tártipsizdikter kezinde zalal kelgen memlekettik organdardyń 15 ǵımaratyna kúrdeli jóndeý qajet, dep habarlaıdy QazAqparat.

Bul jaıynda QR Indýstrııa jáne ınfraqurylymdyq damý mınıstrligi málimet taratty.

Oǵan sáıkes QR Prezıdentiniń Almatydaǵy rezıdentsııasyn QR Prezıdentiniń Іs basqarmasy qalpyna keltiredi.

QR Premer-Mınıstri Álıhan Smaıylov ótkizgen selektorlyq jıynda QR Indýstrııa jáne ınfraqurylymdyq damý mınıstri Qaıyrbek Óskenbaev elimizdiń 8 óńirindegi tártipsizdik kezinde birqatar ǵımarattar, onyń ishinde memleketke tıesili 45 ǵımarat zardap shekkenin habarlady.

«QR Prezıdentiniń Іs basqarmasy josparly túrde qalpyna keltiretin Prezıdenttiń Almatydaǵy rezıdentsııasyn qospaǵanda, qazirgi ýaqytta barlyq memlekettik nysandar boıynsha tehnıkalyq tekserý júrgizildi. 45 memlekettik nysannyń 15-i kúrdeli jóndeý men qaıta jańartýdy, qalǵan 30 ǵımarat aǵymdaǵy jóndeýdi qajet etedi», - dedi QR IIDM basshysy.

Mınıstrdiń aıtýynsha, búgingi tańda 4 nysanda qalpyna keltirý jumystary aıaqtaldy.

Qalǵandary boıynsha smetalyq jáne jobalyq-smetalyq qujattamalar ázirlenedi.


Joǵary qaraı