Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Tártipsizdikke qatysyp, zań buzǵan ár adamnyń áreketi jeke qaralady - Bas prokýratýra

2022 jyldyń 18 qańtar 2022 12:54

NUR-SULTAN. QazAqparat – QR Bas prokýrorynyń aǵa kómekshisi Azamat Sarǵazın tótenshe jaǵdaı rejıminen keıin eldegi quqyqtyq tártipti qalpyna keltirý sharalary qandaı ustanymǵa negizdelgenin túsindirdi, dep habarlaıdy QazAqparat tilshisi.

«Osy oqıǵalar kezinde Memleket basshysy da halyqqa úndeý jasaı otyryp, parasattylyq tanytýǵa jáne arandaýǵa berilmeýge shaqyrdy. Ókinishke qaraı, keı azamattar zańsyz áreketterge jol bermeý bóligindegi barlyq úndeýlerdi elemedi. Bastapqyda beıbit jıyn ótkizýdiń zańmen belgilengen tártibi buzylǵan bolatyn. Osyǵan qaramastan, narazylyq aktsııalary beıbit sıpatta bolǵandyqtan, buzýshylarǵa shara qoldanylǵan joq. Qaraqshylar jaǵdaıdy paıdalanyp, qylmys jasaı bastady. Kúsh pen qarý qoldandy, buǵan basqalardy shaqyrdy. Ǵımarattar men kólikterdi basyp alyp, órtedi, adamdardy óltirdi», - dep eske aldy Bas prokýrordyń aǵa kómekshisi.

Onyń aıtýyna qaraǵanda, ereýilde júrgenderdi ustaý osy kezden bastalǵan.

«Osydan keıin qoǵamdyq tártipti qamtamasyz etý jáne qylmystyń jolyn kesý maqsatynda tártip buzýshylar ustalyp, polıtsııaǵa jetkizildi. Olardyń áreketiniń sıpatyna jáne ákep soqqan saldaryna baılanysty ákimshilik jaýapqa tartyldy nemese qylmystyq isterdiń fıgýranty boldy. Bas prokýratýra osy ustanymǵa súıene otyryp, zańdylyq pen quqyqtyq tártipti qamtamasyz etý úshin odan ári de sharalar qabyldaıdy. Bul rette árbir quqyq buzýshynyń is-áreketi obektıvti jáne muqııat tekserilip, jaýapkershilik sharalary jasalǵan quqyqbuzýshylyqtyń sıpaty men kinálilerdiń jeke basy eskerile otyryp qabyldanady. Memleket basshysy Bas prokýratýraǵa osy kúnderi ártúrli quqyq buzýshylyqtar úshin ustalǵan adamdardyń kiná dárejesin anyqtap, aýyrlatatyn mán-jaı bolmaǵan jaǵdaıda jazany jeńildetýdi tapsyrdy», - dedi Azamat Sarǵazın.


Joǵary qaraı