Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Tártipsizdik kezinde zaqym kelgen nysandar men kólikter sany belgili boldy

2022 jyldyń 25 qańtar 2022 18:58

NUR-SULTAN. QazAqparat – Tártipsizdik kezinde eń kóp zardap shekken nysandar — bıznes nysandary. Bul týraly Ortalyq kommýnıkatsııalar qyzmetinde QR ІІM Tergeý departamentiniń bastyǵy Sanjar Ádilov málim etti, dep habarlaıdy QazAqparat tilshisi.

«Qańtar oqıǵasyna baılanysty qozǵalǵan qylmystyq isterdi tergeý barysy jónindegi jańa málimetter berýge ruqsat etińizder. Almaty, Taldyqorǵan, Taraz, Shymkent, Qyzylorda, Óskemen, Aqtóbe, Atyraý jáne Semeı qalalarynda 1 466 ártúrli úı-jaıǵa shabýyl jasaldy. Onyń ishinde 71 memlekettik mekeme, sonyń arasynda 12-si ákimshilik ǵımarat pen 27 polıtsııa nysany bar», - dedi S. Ádilov.

Onyń aıtýynsha, eń kóp zardap shekken bıznes nysandary boldy. Bul obektiler zaqym keltirýden ózge tolyqtaı tonaldy, ıaǵnı olardyń sany – 1 395.

«Odan ózge 700-den astam avtokólik zaqymdalyp, joıyldy, sonyń 500-den astamy polıtsııanyń, Qorǵanys jáne Tótenshe jaǵdaı mınıstrlikteriniń, jedel járdem jáne ózge organdardyń qyzmettik kólikteri. Sondaı-aq 116 jeke adam kólikteri bar», - dedi Tergeý departamentiniń bastyǵy.


Joǵary qaraı