Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tarıh páni Altyn Orda týraly tyń derektermen tolyqtyrylady - Dáýren Abaev

2021 jyldyń 28 qazan 2021 13:34

ATYRAÝ. QazAqparat — Memleket basshysy «Altyn Orda» taqyrybyn nasıhattaý boıynsha birqatar bastamalardy maquldady. Bul týraly Atyraýda ótip jatqan «Ulyq ulys – Altyn Orda» atty halyqaralyq ǵylymı-praktıkalyq konferentsııada QR Prezıdenti Ákimshiligi Basshysynyń birinshi orynbasary Dáýren Abaev aıtty, dep habarlaıdy QazAqparat tilshisi.

«Olardy kelesi jyldan bastap júzege asyrýymyz qajet.

Birinshi, shetel arhıvterindegi Altyn Ordaǵa qatysty materıaldardy izdeý jumysyn kúsheıtý;

Ekinshi, respýblıka aýmaǵyndaǵy Altyn Orda qalalaryn qaıta qalpyna keltirip, sonyń negizinde tarıhı-materıaldyq keshen qurý boıynsha jospar daıyndaý;

Úshinshi, ǵylymı monografııalardyń shyǵýyn pysyqtaý», — degen ol Joshy, Berke, Ózbek handardyń tarıhı rólin tereńirek zertteý kózdelip otyrǵanyn atady.

«Tórtinshi, «Ulyq Ulys» entsıklopedııasynyń shyǵýyn pysyqtap, Ýıkıpedııadaǵy Altyn Orda taqyrybyna qatysty qazaq, orys, aǵylshyn tilindegi kontentti jańalaý;

Besinshi, Ulyq Ulystyń Joshydan Kenesaryǵa deıingi handary týraly, Altyn Ordanyń rýhanı jáne materıaldyq mádenıeti, qalalary men saýda saıasaty jaıly derekti fılmder serııasyn shyǵarý máselesin pysyqtaý;

Altynshy, altynordalyq epostar jelisimen balalarǵa arnalǵan ertegilerdiń shyǵýyn qamtamasyz etý;

Jetinshi, Altyn Orda taqyryby boıynsha ashylǵan tyń derekterdi eskere otyryp, mektep jáne joǵarǵy oqý ornyndaǵy Qazaqstan tarıhy páni baǵdarlamasynyń mazmunyn ózektendirý», — dedi Dáýren Abaev.


Joǵary qaraı