Aýa raıy
Astana -11 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Tarazdyq dárigerler endoprotez qoıýdyń jańa túrin oılap tapty

2020 jyldyń 23 qazan 2020 21:55

TARAZ. QazAqparat – Tarazdyq dárigerler endoprotez qoıýdyń jańa túrin oılap tapty, - dep habarlaıdy QazAqparat tilshisi.

Jambyl oblysy ákimdigi densaýlyq saqtaý basqarmasynyń baspasóz qyzmeti Taraz qalasynyń 35 jastaǵy turǵynyna endoprotezge ınfektsııa túspes úshin tsement pen antıbıotıkti qosyp aralastyryp salyndy. Atalmysh tásilmen tek jasandy býyndy almastyryp qana qoımaı, onda jınaqtalǵan mıkrobtardy da joıýǵa múmkindik bar. Sondaı-aq, jasandy býyndy qoıǵannan keıin qulaý, tońazý jáne ortopedııalyq rejımdi buzý saldarynan naýqastarǵa qaıta ota jasaǵan jaǵdaılary kóp kezdesetindikten, bul ádis – tıimdi bolyp sanalady eken.

Aıta keteıik, osydan birneshe jyl buryn tepse temir úzetin Taraz qalasynyń 35 jastaǵy turǵyny avtokólik apatyna túsip, aıaq astynan múgedekter arbasyna tańylamyn dep oılaǵan da emes. Bastapqyda eshqandaı aýrýdy sezbeı, odan bolatyn qaýip-qaterdi de oılamaı, ýaqyt sozdyryp alǵan N. esimdi azamat keıinnen aıaǵynyń aýyrsynýy kúsheıip, bir jyldan keıin múldem júre almaı, bir jarym jyldaı úıinde qozǵalyssyz jatyp qalady. Tek osydan keıin ǵana aýrýhanaǵa kelgen oǵan qatarynan 3 ret ota jasalyp, bir aıaǵyna endoprotez qoıylady. Qozǵalyssyz jata bergendikten, salmaǵy da artyp, qımyldaýy qıynǵa soqqan onyń aǵzasyna da ınfektsııa túsken. Sodan Taraz qalalyq kóp beıindi aýrýhanasynyń jaraqat bólimshesiniń dáriger travmatology Daýren Ideevtiń uzaq jyldyq tájirıbeden keıin qoldanyp kele jatqan jańa ádisiniń arqasynda endoprotezge ınfektsııa túspes úshin tsement pen antıbıotıkti qosyp aralastyryp salý týraly sheshim qabyldanǵan.

Búginde naýqas qınalǵan aýyr da azapty kúnderi artta qalyp, ózin ómirge jańa kelgendeı sezinýde. Jaqynda onyń ekinshi aıaǵyna da endoprotez qoıylmaqshy. Búginde múgedektik arbasynan túsip, óz aıaǵymen aýrýhanaǵa kelip, kórinip júr.

«Endoprotezdi Almaty qalasynan aranaıy tapsyryspen alǵyzamyz. Adam tánine meılinshe uqsaıtyn materıaldardan daıyndalǵan jasandy býyn súıek tsementimen bekitiledi. Sondaı-aq, jasandy býyn adamnyń súıek tinine, tizeniń anatomııalyq erekshelikterine qaraı daıyndalady. Biz osy protezdi naýqasqa tek salyp qana qoımaı, oǵan antıbotık qosý arqyly – birden eki túrli nátıjegege qol jetkizip otyrmyz»,- deıdi Dáýren Ideev.

Atap ótý kerek, endoprotezdeý degenimiz – adamnyń tozǵan shemirshegine bolmasa zaqymdanǵan býyndary men synǵan súıekterge jasalatyn ota. Ol polıetılendi japsyrmamen ne temirmen almastyrylady. Kompıýterlik tomografııa jáne MRT negizinde naýqastyń anatomııalyq erekshelikteri taldanyp, ondaǵan jyldarǵa jaraıtyn jaramdy protez qoıylady. Jasandy býyn joǵary sapaly medıtsınalyq qorytpadan turady. Endoprotezdeý – zaqymdanǵan býyndy almastyrý protsesiniń bir bóligi ǵana.


Avtor Saıa Sembaı
Basty sózder: Jambyl oblysy, Medıtsına,
Joǵary qaraı