Aýa raıy
Astana 1 °S
Almaty 8 °S
valıýta baǵamy
USD 421.58
EUR 496.83
RUB 5.53
CNY 62.20

Tarazdaǵy jármeńkede ónimder naryqtaǵydan 10-20 paıyz tómen baǵada saýdalandy

2020 jyldyń 27 qyrkúıek 2020 10:17

TARAZ. QazAqparat – Taraz qalasynda apta saıyn aýyl sharýashylyǵy ónimderiniń jármeńkesi ótýde, dep habarlaıdy QazAqparat tilshisi.

Keshe senbi kúni Taraz qalasynda kezekti ret jármeńke uıymdastyrylyp, onda aýyl sharýashylyǵy taýarlary tómendetilgen baǵada jurtshylyqqa usynyldy.

Atap aıtsaq, bul kúngi jármeńke oblys ortalyǵynda Alataý shaǵyn aýdanynda, Kommýnaldyq bazar, «GRAND BAZAAR» saýda kesheniniń alańy jáne Qant zaýyty aýdanyndaǵy alleıada uıymdastyryldy. Onda qalalyqtarǵa Baızaq, Jambyl, Jýaly, Moıynqum, Talas, Qordaı aýdandary men Taraz qalasynyń aýyl sharýashylyǵy taýar óndirýshileriniń jáne turaqtandyrý qorynyń ónimderi usynyldy.

Jalpy quny 121,6 mln teńge bolatyn 95 tonna ónim saýdalansa, olar naryq baǵasynan 10-20 paıyzǵa tómen baǵada satyldy. Onyń ishinde 6,4 tonna et, 1,2 tonna shujyq ónimderi, 2,2 tonna sút ónimderi, 5 myń dana jumyrtqa, 0,4 tonna kondıterlik ónimder men 1,5 tonna

makaron ónimderi, 0,1 tonna tuz, 2,3 tonna balyq, 0,5 tonna bal jáne 75,3 tonna jemis-jıdek pen kókónis ónimderi bar.





Oblys ortalyǵynyń tórt jerinde ótkizilgen jármeńkege kelýshilerdiń qarasy qalyń boldy. Tutynýshylar tarapynan et, sút jáne kókónis ónimderine degen suranys ta joǵary. Sebebi, jármeńkede jylqy eti 1900, sıyr eti 1800 teńgeden saýdalansa, kókónis ónimderi túrlerine

qaraı 40-100 teńge aralyǵynda satyldy.

Jármeńkege arnaıy kelip, sórelerdi aralaǵan oblys ákiminiń orynbasary Berik Nyǵmashev taýarlardyń sapasyna basa nazar aýdaryp, qoıylǵan baǵalardyń turaqtylyǵyn baqylady jáne tutynýshylarmen tildesip, pikirlerine qulaq asty.

Qala turǵyndary jármeńkeni aldaǵy ýaqytta atalǵan sharany ortalyq alańda ótkizse degen usynystaryn bildirdi. Oblys ákiminiń orynbasary bul usynystyń aldaǵy ýaqytta uıymdastyrylatyn jármeńkelerde eskeriletindigin jetkizdi.

Aıta ketý kerek, jármeńke qazan aıynyń sońyna deıin apta saıyn ár senbi kúnderi ótkiziletin bolady.


Joǵary qaraı