Aýa raıy
Astana -9 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Tarazdaǵy úlken toıhana azyq-túlik dúkenine aınaldy

2020 jyldyń 21 qarasha 2020 09:42

TARAZ. QazAqparat – Taraz qalasyndaǵy «Aıaýlym» meıramhanasynyń ornynan «Dámdi sebet» saýda ortalyǵy ashyldy,- dep habarlaıdy QazAqparat tilshisi.

Jumysyn endi ǵana bastaǵan saýda ortalyǵyna kelýshilerdiń qarasy qalyń. Ondaǵy azyq-túlik baǵasy da naryq baǵasynan tómendeý ekeni baıqalady.

Jambyl oblysy ákimdigi kásipkerlik jáne ındýstrıaldy-ınnovatsııalyq damý basqarmasynyń basshysy Aspandııar Seısebaevtyń aıtýynsha, qazirgi tańdaǵy pandemııalyq ahýalǵa baılanysty meıramhanalar men restoran bıznesi toqtap tur. Bul kóptegen kásipkerlerdi tabysynan qaqqany jasyryn emes.

«Olardyń bankter aldynda bereshekteriniń baryn eskerip, odan shyǵý joldaryn usynýdamyz. Máselen, Taraz qalasynda mundaı 67 meıramhana bar eken. Óz ǵımaratyn «Dámdi sebet» saýda ortalyǵyn jasaýǵa jalǵa berip otyrǵan birden-bir meıramhana – «Aıaýlym». Ol buryn toıhana, bir jaǵy restoran edi. Endi azyq-túlik dúkenine aınaldy. Bul – Taraz qalasynda ǵana jalǵasyp jatqan is-shara emes, Qazaqstan boıynsha qolǵa alynǵan bastama», – dedi basqarma basshysy.

Atalǵan saýda ortalyǵy operatsııa zalynyń dırektory Sholpan Oljabekqyzy munda 5 myń taýar túri ótkeriletinin jetkizdi. Sonymen qatar, eki aptada bir ret bir zatqa bir zat qosyp berý aktsııasyn ótkizý josparlaýda. Keıbir azyq-túlik baǵalary 10-30 paıyzǵa jeńildetilgen. Jalpy sórelerge qoıylǵan ónimniń basym bóligin otandyq taýarlar quraıdy. Sondaı-aq munda saýda jelisiniń óz naýbaıhanasy, tort pisirý tsehtarynyń ónimderi de saýdalanady.





Avtor Saıa Sembaı
Basty sózder: Azyq-túlik, Jambyl oblysy,
Joǵary qaraı