Aýa raıy
Astana -19 °S
Almaty -13 °S
valıýta baǵamy
USD 421.58
EUR 496.83
RUB 5.53
CNY 62.20

Tarazdaǵy tehnıkalar qysqy maýsymǵa daıyn

2020 jyldyń 20 qarasha 2020 07:30

TARAZ. QazAqparat – Taraz qalasyndaǵy tehnıkalardyń qysqa daıyndyǵy tekserildi,- dep habarlaıdy QazAqparat tilshisi.

Aǵymdaǵy jyly qala aýmaǵyndaǵy avtomobıl joldaryn qys mezgilinde kútip ustaý jumystary úshin jalpy jergilikti bıýdjet tarapynan 50 000,0 teńge qarjy qarastyrylǵan.

«Jasyl El-Taraz» JShS-gi qysqy maýsymda qala aýmaǵyndaǵy avtokólik joldary men jaıaý júrginshiler joldarynda tótenshe jaǵdaılar týyndamas úshin tazalyq jumystaryn júrgizetin bolady.

«Qazirgi tańda 2000 tekshe metr qum, 800 tonna tuz jınaqtalǵan. Bul qor 2020 jylǵa jetkilikti dep josparlanýda. 2021 jyly 1000 tonna tuz, 3000 tekshe metr qum satyp alý úshin 13 071 450 teńgege bıýdjettik ótinim tapsyrylýda», — deıdi «Jasyl El-Taraz» JShS-niń bas ınjeneri Talǵat Torǵaev.

Atalǵan seriktestikpen qar tazalaý jumystaryna 51 birlik tehnıka daıyndalǵan. Onyń ishinde, 25 birlik qar kúreıtin jáne qum aralas tuz sebetin arnaıy tehnıka, tórt tıegish tehnıka, eki birlik avtogreıder, 10 samosval, bes birlik MTZ traktory jáne bes birlik MK-320 traktory bar.

Avtokólik tehnıkalaryn janar-jaǵarmaımen qamtamasyz etý úshin «Jasyl El-Taraz» JShS-gi «Madı» janar-jaǵarmaı quıý stansasymen kelisimshart jasasqan.

Qala kóshelerine qys maýsymynda tazalyq jumystaryn qamtamasyz etýge 271 qoǵamdyq jumysshy jumyldyrylady. Bul qoǵamdyq jumysshylar qala aýmaǵynda ornalasqan aıaldama jáne basqada qoǵamdyq oryndarda tazalaý jumystaryn júrgizetin bolady.

Qoǵamdyq jumysshylar úshin qar kúreý jumystaryna qajetti qural-saımandar tolyq daıyndalǵan.

Mekemede táýlik boıy qyzmet atqaratyn dıspetcherlik qyzmet bar. Táýlik boıy qyzmet atqarý úshin «Jasyl El Taraz» JShS-niń bazasy jumysshylardyń demalýyna, ystyq tamaqpen qamtamasyz etilýine, materıaldyq bazasy men tehnıkalyq jóndeý ortalyqtary talapqa sáıkestendirilgen.

«Qalalyq ákimdik qajetti tehnıkamen qamtamasyz etip otyr. Sizderdiń taraptarynyzdan jumys ýaqytyly jáne tııanaqty atqarylǵanyn talap etemiz. Ár jumysshynyń jaǵdaıy jasalyp, jalaqysy ýaqytyly berilýi basty nazarda bolýy kerek»,- dedi Taraz qalasynyń ákiminiń orynbasary Ashat Esenalıev.

Aıta keteıik, búginde qar kúreýshi brıgadalar táýlik boıy aýysymdy keste boıynsha jumystaryn bastap ketken.


Avtor Saıa Sembaı
Basty sózder: Qoǵam, Jambyl oblysy,
Joǵary qaraı