Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tarazdaǵy bir kóshege Jazylbek Qýanyshbaevtyń  esimi berildi

2021 jyldyń 28 qazan 2021 08:50

TARAZ. QazAqparat – Bıyl eki márte Sotsıalıstik Eńbek Eri Jazylbek Qýanyshbaevtyń týǵanyna - 125 jyl. Danqty shopannyń mereıtoıy aıasynda Taraz qalasynda Jazylbek Qýanyshbaevtyń beınesi sýrettelgen barelef memorıaldyq taqtanyń, «Aýyl sharýashylyǵy» skveriniń saltanatty ashylýy ótti, dep habarlaıdy QazAqparat tilshisi.

Sharaǵa aýyl sharýashylyǵy mınıstri Erbol Qarashókeev, óńir basshysy Berdibek Saparbaev, ardagerler, J.Qýanyshbaevtyń týystary qatysty.

Saıabaq «Tarazǵa tartý» jobasy aıasynda aýyl sharýashylyǵy jáne veterınarııa salasy ókilderiniń qoldaýymen abattandyrylǵan. Skveor oblys ákiminiń bastamasymen eki márte Sotsıalıstik Eńbek Eri Jazylbek Qýanyshbaevtyń esimi berilgen kósheniń boıynda ornalasqan.




«Eki ret Sotsıalıstik Eńbek Eri joǵary ataǵyna ıe bolǵan Ybyraı Jaqaev, Nurmolda Aldabergenov, Jazylbek Qýanyshbaev jas urpaq úshin aıanbaı eńbek etýdiń, eńbeksúıgishtik pen shynaıy patrıotızmniń jarqyn úlgisi bolyp tabylady. Olardyń esimi tek Qazaqstanda ǵana emes, búkil postkeńestik keńistikke belgili. KSRO-nyń eki márte Sotsıalıstik Eńbek Eri Jazylbek Qýanyshbaevtyń týǵanyna 125 jyl tolýyna oraı, bıyl dala akademıginiń esimi men muralaryn nasıhattaý boıynsha jumystar júrgizilýde. Ol qarakól qoıynyń tuqymyn suryptaýǵa jáne jaqsartýǵa úlken úles qosty. Ol ósirgen qarakól qoıy shet elderde joǵary baǵalandy. Jazylbek Qýanyshbaev eńbekke degen qabileti men óz isine degen súıispenshiliginiń arqasynda bıik belesterdi baǵyndyrdy. Ol óziniń tájirıbesin jas shopandarmen bólisip, balalardy jastaıynan eńbekke baýlydy. Búgingi tańda onyń jumys tájirıbesin taratý, jas urpaqqa eńbektegi erlikteri týraly nasıhattaý – asa mańyzdy», - dep atap ótti oblys ákimi.

Aımaq basshysy jańadan ashylǵan skverdiń qala turǵyndarynyń súıikti demalys oryndarynyń biri bolatynyna senim bildirdi.

Aýyl sharýashylyǵy mınıstri Erbol Qarashókeev te jınalǵandardy quttyqtady.

«Jazylbek Qýanyshbaev qoı sharýashylyǵynyń damýyna, mal basynyń ósýine ólsheýsiz úles qosyp, ár júz saýlyqtan 130-140 qozydan alǵan. Onyń qajyrly eńbeginiń arqasynda sonaý qumdy ólkede Qazaqstandaǵy qoı sharýashylyǵynyń negizgi bazasy quryldy. Sol kezde Jazylbek Qýanyshbaevtyń esimi Odaq aýmaǵynda ǵana emes, búkil álemge tarady. Qazaq halqynyń dańqty perzentiniń mereıtoıy el Táýelsizdiginiń 30 jyldyǵymen tuspa-tus kelip otyr. Jambyldyqtardy shyn júrekten qos merekemen quttyqtaımyn», - dedi Aýyl sharýashylyǵy mınıstri.

Moıynqum aýdandyq qoǵamdyq keńesiniń tóraǵasy Bolat Satybaldıev ataqty qoıshy Jazylbek Qýanyshbaev týraly estelikterin bólisti.

«Jaz-ata beınelengen barelef pen saıabaqtyń ashylýy bizdiń kezdiń naǵyz batyryn eske túsiredi. Bul Jaz-ata ǵana emes, aýyl sharýashylyǵy salasynyń barlyq ardagerlerine, qarapaıym sharýalarǵa kórsetilgen qurmet dep bilemin. El jáne oblys basshylyǵyna kórsetilgen qurmet pen yqylas úshin alǵys aıtamyz. Tabandylyǵymen, eńbegimen búgingi ıgilikterdi qamtamasyz etip ketken tulǵalardyń esimin jas urpaq bilýi tıis», - dedi ardager.


















Joǵary qaraı