Aýa raıy
Astana -11 °S
Almaty -11 °S
valıýta baǵamy
USD 421.58
EUR 496.83
RUB 5.53
CNY 62.20

Tarazda jasyryn kazıno kompıýter klýby retinde jumys istegen

2020 jyldyń 26 qazan 2020 15:22

TARAZ. QazAqparat - Taraz qalasynda jasyryn kazıno kompıýter klýby retinde jumys istep turǵan, dep habarlaıdy QazAqparat tilshisi.

QR QM Qarjy monıtorıngi komıteti baspasóz qyzmetiniń málimetinshe, vedomstvoǵa qarasty Jambyl oblysy boıynsha Ekonomıkalyq tergeý departamenti qyzmetkerleri Taraz qalasynda ornalasqan kafelerdiń birinde kompıýter klýby retinde QR oıyn bıznesi zańnamasynyń talaptaryn buza otyryp, lıtsenzııasyz jasyryn kazıno jumys jasaǵandyǵyn anyqtady.

«Jedel-tergeý sharalary nátıjesinde belgisiz azamattardyń zańsyz oıyn bıznesin uıymdastyrý deregi áshkerelendi. Tintý barysynda sol jerden 25 kompıýter, 6 monıtor, 4 oıyn termınaly jáne 5 oıyn apparaty (slot-mashınalar) tárkilenip alyndy. Qazirgi ýaqytta atalǵan fakt boıynsha QR QK-niń 307-babyna (zańsyz oıyn bıznesin uıymdastyrý) sáıkes sotqa deıingi tergeý isi tirkelip, tergeý sharalary júrgizilip otyr.

Baspasóz qyzmetiniń málimdeýinshe, Qarjy monıtorıngi komıteti elimizde zańsyz oıyn mekemelerin joıý boıynsha jumysty kúsheıtken. «Stop-oıyn» sharasy aıasynda 206 zańsyz oıyn ornynyń qyzmeti shektelgen, 7 jasyryn kazıno jáne 30 býkmeker keńsesi jabyldy, zańsyz aınalymnan 2 600-den astam oıyn avtomaty, termınal men poker ústeli tárkilenip alyndy.

Aıta keterligi, zańsyz oıyn bıznesine oryn usynǵany úshin Qylmystyq kodekstiń 307-babyna sáıkes eki jylǵa bas bostandyǵynan aıyrý túrindegi qylmystyq jaýapkershilik qarastyrylǵan.


Joǵary qaraı