Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Tarazda túrmege joldanǵan tis jýatyn pastanyń ishinen gashısh tabyldy

2021 jyldyń 22 qańtar 2021 08:36

TARAZ. QazAqparat –Taraz qalasynda túrmedegi azamatqa joldanǵan sálemdemeden kúdikti zat tabyldy, dep habarlaıdy QazAqparat tilshisi.

Oqıǵa Tarazdaǵy JD-158/7 mekemesinde oryn aldy. Erekshe rejımdegi mekemeniń erejesin buzǵandar sálemdeme joldaý arqyly jymysqy oıyn júzege asyrmaq bolǵan. Bul týraly Jambyl oblysy boıynsha QAJ departamentiniń baspasóz qyzmeti habarlady.

«Mekemeniń rejım bóliminiń qyzmetkerleri qamaýdaǵylarǵa kelip túsken sálem-saýqatty tekserý barysynda kúdikti zatty baıqap, ony jiti tintý kezinde 2 tis jýatyn pastanyń ishinen barlyǵy 8 plastıkalyq tútik taýyp, olardyń ishinde qoıý qońyr tústi, ósimdik tektes ıisti zat bar ekendigin anyqtaǵan. Ataýly sálemdeme buryn sotty bolǵan Sh esimdi azamattan mekemedegi jazasyn óteýshiniń birine joldanǵan»,-delingen habarlamada.

Qazirgi tańda sot-saraptamalyq taldaýdyń qorytyndysyna sáıkes, kúmándi zat 17 gramm «gashısh» esirtkisi ekendigi anyqtalyp otyr. Qylmystyq derek boıynsha oqıǵa ornyna Taraz qalalyq 1-shi polıtsııa basqarmasynyń jedel-tergeý toby shaqyrtylyp, zańdy buzǵan azamatty ary qaraı tıisti jazaǵa tartý úshin jumystar júrgizilýde.


Joǵary qaraı