Aýa raıy
Astana -8 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Tarazda Shámshi Qaldaıaqovtyń 90 jyldyǵyna arnalǵan kesh ótti

2020 jyldyń 28 qarasha 2020 18:10

TARAZ. QazAqparat –Taraz qalasynda «Balasaǵun» ortalyq kontsert zalynda belgili kompozıtor, Qazaqstannyń Halyq ártisi, QR Memlekettik syılyǵynyń laýreaty Shámshi Qaldaıaqovtyń 90 jyldyǵyna oraı «Shámshi - ǵumyr» atty shyǵarmashylyq keshi ótti, dep habarlaıdy QazAqparat.

Aıta ketý kerek, kesh barysynda karantındik talaptar, maska rejımi, shahmatttyq otyrý rettigi jáne áleýmettik araqashyqtyq qatań saqtaldy. Zaldyń tek 30 paıyzǵa ǵana tolýy negizge alyndy.




Týǵan kezde oǵan Jámshıd esimi berilgen, biraq jaqyndary Shámshi dep atap ketken. Al halyq ony qazaq valsiniń patshasy dep atady.

Onyń ánderi óziniń áýezdiligimen barsha tyńdarmandaryn baýrap aldy. El ishinde onyń ánderin bilmeıtin adam kemde-kem.

«Uly maestro týraly estelikter onyń árbir ólmes týyndylarymen birge ómir súredi. Onyń ánderin kári de, jas ta súıip tyńdaıdy. Olardy tyńdaı otyryp, bizdiń janymyz erekshe kúı keshedi. Kompozıtordan qalǵan rýhanı muralar halqymyz úshin erekshe qundy desek artyq aıpaǵandyq. Biz onyń eńbekterin odan ári nasıhattaı berýimiz kerek. Keler jyly Shámshi Qaldaıaqov atyndaǵy Halyqaralyq baıqaý ótkizýdi josparlap otyrmyz», - dedi Jambyl oblysynyń ákimi Berdibek Saparbaev jaǵymdy jańalyqty bólisip.




Júrgizýshiler jınalǵandarǵa mádenıet jáne sport mınıstri Aqtoty Raıymqulovanyń arnaıy quttyqtaý hatyn oqyp berdi.

Kontsertte kompozıtordyń «Arys jaǵasynda», «Otyrardaǵy toı», «Ana týraly jyr», «Moıynqumda», «Qaıyqta», «Keshikpeı kelem dep eń», «Dúngen qyzy», «Tamdy arýy», «Aq bantık», «Teriskeı», «Syǵan serenadasy» sııaqty qazaqstandyqtardyń súıip tyńdaıtyn ánderi shyrqaldy.

Sahnada elimizde estrada juldyzdary Sáken Maıǵazıev, Dosymjan Tańatarov, Baǵdat Sámedınova, Saıat Medeýov, Kenjebek Janábilov jáne K.Ázirbaev atyndaǵy oblystyq fılarmonııa ártisteri óner kórsetti.




A.Toqpanov atyndaǵy oblystyq qazaq drama teatrynyń ártisteri I.Saparbaıdyń «Syǵan serenadasy« mýzykalyq dramasynyń úzindisin usyndy.

Kontserttiń qorytyndy nómiri dástúr boıynsha «Meniń Qazaqstanym» ánimen túıindeldi.

«Aǵam bala kezinen mýzykaǵa jaqyn boldy. Onyń ánderin birneshe býyn urpaq shyn yntyzarlyqpen shyrqaýda. Bizdiń halqymyz onyń ánderin yqylaspen tyńdap, shyrqap jatsa, aǵamnyń esimi eshqashan óshpek emes. Búgingi kontsertti uıymdastyrǵandarǵa, barlyq qatysýshylarǵa alǵys aıtqym keledi», - deıdi kompozıtordyń ápkesi Raıhan Qaldaıaqova.

Sondaı-aq, kontsert zalynyń foıesinde kelýshiler úshin qolónershilerdiń kitaptary men buıymdarynyń kórmesi ázirlendi.





Avtor Saıa Sembaı
Basty sózder: Jambyl oblysy, Óner, Mádenıet,
Joǵary qaraı