Aýa raıy
Astana -23 °S
Almaty -8 °S
valıýta baǵamy
USD 421.58
EUR 496.83
RUB 5.53
CNY 62.20

Tarazda pandemııa saldarynan avtobýs tasymaly 46 paıyzǵa qysqarǵan

2020 jyldyń 3 jeltoqsan 2020 06:36

TARAZ. QazAqparat – Pandemııa saldarynan Taraz qalasyndaǵy qoǵamdyq kólik qyzmeti 46 paıyzǵa kemigen, dep habarlaıdy QazAqparat tilshisi.

Búgingi tańda Taraz qalasy kúndelikti 230 avtobýs 29 baǵyt boıynsha qyzmet kórsetedi. Al, buǵan deıingi turaqty kezeńde 42 baǵyt boıynsha kúndelikti 425 avtobýs qoǵamdyq tasymaldaýmen aınalysyp kelgen.

Bul týraly búgin ÓKQ aqparat alańynda Jambyl oblysy jolaýshylar kóligi jáne avtomobıl joldary basqarmasynyń basshysy Baqytjan Jánibekov aıtty.

Sala basshysynyń sózinshe, karantın kesirinen qaladaǵy 10 tasymaldaýshy mekeme qarjylaı qıyndyq kórip otyr.

Sondyqtan búginde jergilikti bıýdjetten tasymaldaýshylarǵa sýbsıdııa berý qarastyrylyp jatyr.

«Pandemııa bastalǵaly oqý oryndary men balabaqsha qyzmetkerleri, stýdentter men oqýshylar qashyqtan oqytýǵa kóshkeni belgili. Sonyń saldarynan qalada jolaýshylar aǵymy 2 esege deıin tómendegen. Al avtobýs sany azaıǵandyqtan keshki reısti oryndamaý derekteri kezdesip jatyr»,-dedi B.Jánibekov.

Sondaı-aq, basqarma basshysy bıyl 28 qyrkúıekten bastap engizilgen elektrondy bılettiń qanshalyqty suranysqa ıe ekenin atap ótti.

«Kólik kartasyn satatyn qaladaǵy 15 pýnktide alǵashqy kezdegideı uzyn-sonar kezek joq. Qalada 106 563 biryńǵaı, 22 149 oqýshy kartasy satyldy. Al qazir satylymda 26 837 biryńǵaı, 24 851 oqýshy kartasy bar. Búginde 14 600 biryńǵaı kartaǵa tapsyrys berdik», — dedi spıker.


Avtor Saıa Sembaı
Basty sózder: Qoǵam, Kólik, Jambyl oblysy,
Joǵary qaraı