Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Tarazda qylmystyq toptyń áreketinen memleketke 10 mlrd teńge shyǵyn keldi

2021 jyldyń 21 qańtar 2021 10:06

TARAZ. QazAqparat – Tarazda zańsyz shot-faktýralar jazyp berýmen aınalysyp kelgen qylmystyq top quryqtaldy, dep habarlaıdy QazAqparat.

QR Qarjy mınıstrligi Qarjy monıtorıngi komıtetiniń Jambyl oblysy boıynsha Ekonomıkalyq tergeý departamentiniń qyzmetkerleri júrgizgen jedel-izdestirý is-sharalarynyń nátıjesinde 2009-2020 jyldar aralyǵynda Taraz qalasynyń aýmaǵynda jalǵan shot-faktýra jazyp berý aınalysqan uıymdasqan qylmystyq toptyń áreketin áshkereledi.

Olar shot-faktýralardy tıisti qyzmet atqarylmasa da, kerek taýar jetkizilmese de, qujattardy rásimdeı bergen.

Tergeý barysynda 10 adamnan, sondaı-aq baqylaýdaǵy zańdy tulǵalardyń basshysy retinde tikeleı tirkelgen qatysýshylardan quralǵan qylmystyq top kontragentter-satyp alýshylardy izdeýdi, ekinshi deńgeıli bankterde qarajatty qolma-qol aqshaǵa aınaldyrýdy jáne t.b. júzege asyrǵan.

«Qylmystyq is-áreket nátıjesinde memleketke keltirilgen zalal mólsheri 10 mlrd. teńgeni qurady. Tárkileýdi qamtamasyz etý maqsatynda baqylanatyn kásiporyndardyń jalpy somasy 1 mıllıardtan astam teńge qarajattaryna tyıym salyndy. Qazirgi ýaqytta qylmystyq is óndirispen aıaqtalyp, sotqa jiberildi»,-delingen habarlamada.


Basty sózder: Qylmyspen kúres, Qarjy,
Joǵary qaraı