Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Tarazda granata jumysshynyń qolynda jarylyp ketti

2022 jyldyń 27 qańtar 2022 04:15

TARAZ. QazAqparat – Taraz qalasynda qalpyna keltirý jumysy barysynda jumysshy granata taýyp alyp, ony qolyna ustaǵan kezde jarylyp ketken, dep habarlaıdy QazAqparat tilshisi.

2022 jylǵy 4-6 qańtardaǵy jappaı tártipsizdik barysynda Jambyl oblysy polıtsııa 4 ǵımaraty zaqymdaldy.

Bul týraly polıtsııa departamentiniń baspasóz qyzmeti habarlady.

Ǵımarattardy qalpyna keltirý jumysy bastalmas buryn merdigerlermen jáne osy uıymdardyń jumysshylarymen obektilerde kezekshilik etetin polıtseılerge qarý, oq-dári nemese arnaıy quraldar tabylǵan kezde habarlaý qajettiligi týraly túsindirme jumystary júrgizilgen.

«Alaıda, jóndeý-qalpyna keltirý jumystaryn júrgizetin merdiger uıymnyń jaldamaly jumysshysy Taraz qalalyq polıtsııa basqarmasynyń ǵımaratynda jaryq-shýly granatany taýyp alyp, eskertýler men talaptardy oryndamaı, qaýipsizdik tehnıkasynyń erejelerin elemeı, óz qyzyǵýshylyǵymen qolyna ustaǵan»,-delingen vedomstvo habarlamasynda.

Osylaısha, jaryq-shýly granatasy jumysshynyń qolynda jarylyp, birneshe saýsaǵyn julyp alǵan.

Osydan keıin ol shuǵyl túrde Taraz qalalyq aýrýhanasyna jetkizildi.

Atalǵan derek boıynsha QR QK 156-baby 2-bóligimen sotqa deıingi tergeý bastaldy.

Qajetti saraptamalar taǵaıyndalǵan.


Avtor Saıa Sembaı
Basty sózder: Oqıǵa, Jambyl oblysy,
Joǵary qaraı