Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tarazda gımnastıka jáne ústel tennısi ortalyǵy ashyldy

2021 jyldyń 11 qazan 2021 19:41

TARAZ. QazAqparat – Jambyl oblysynyń ortalyǵynda «Tarazǵa tartý» jobasy aıasynda gımnastıka jáne ústel tennısi sport kesheni paıdalanýǵa berildi, dep habarlaıdy QazAqparat tilshisi.

Tarazdyqtardy keshenniń ashylýymen quttyqtaǵan aımaq basshysy Berdibek Saparbaev QR Prezıdentiniń Joldaýyn iske asyrý sheńberinde óńirde buqaralyq sportty damytý maqsatynda aýqymdy sharalar atqarylyp jatqanyn aıtty.




«Árbir memleketti, ultty álemge tanytatyn, abyroıyn arttyratyn birden-bir dúnıe sport. Táýelsizdik jyldary Qazaqstannan talaı Olımpıada, Álem, Azııa chempıondary shyqty.

Memleket basshylyǵynyń tapsyrmasyna sáıkes óńirde buqaralyq sportpen júıeli túrde shuǵyldanatyndardyń kórsetkishi artyp keledi. Búginde olardyń sany 400 myńǵa jýyqtap, 34,4 paıyzdy qurasa, biz bul kórsetkishiti 40 paıyzǵa jetkizýdi kózdep otyrmyz.

Jastarymyz sportpen aınalysyp, jaman jat ádetterden aýlaq bolýy tıis. Ol úshin jergilikti bılik jaǵdaı jasaýy qajet.

Jyl saıyn jańadan sport keshenderi boı kóterip, halyq ıgiligine berilýde. Ótken jyly 14 dene shynyqtyrý-saýyqtyrý kesheni jáne 92 sport alańshasy qoldanysqa berildi.

Oblysta alǵash ret ashylyp otyrǵan gımnastıka jáne ústel tennısi sport keshenin salyp bergen jeke ınvestor «TarazStroı2004» jaýapkershiligi shekteýli seriktestiginiń basshysy Meıirbek Júnisbekovke alǵysymyzdy bildiremiz. Mundaı zamanaýı nysanda jattyqqan balalar erteń chempıon atanaryna senimdimiz»,-dedi oblys ákimi.

Ústel tennısiniń ardageri Anatolıı Goncharov qazir elimizde sporttyń bul túri jaqsy qolǵa alynyp, damyp kele jatqanyn tilge tıek etip, jańa ǵımarattyń jabdyqtalýyn joǵary baǵalady.

«Ústel tennısi – bul álemdegi eń tanymal jáne 850 mıllıonnan astam jankúıeri bar olımpıadalyq sport túri. Oblysta áýesqoı deńgeıde ústel tennısimen 9734 sportshy, kásibı deńgeıde 640 sportshy aınalysady jáne 21 jattyqtyrýshy bar. Búgingi ashylyp otyrǵan keshen sportshylardyń kásibı ósýine jáne shuǵyldanýshylar kontıngentin arttyrýǵa jaǵdaı jasaıdy»,-dep senim bildirdi ol.




Akrobatıka jáne batýttaǵy gımnastıkadan sport ardageri Olga Nazarova keń ári joǵary deńgeıde jabdyqtalǵan zal gımnastıkany tıisti deńgeıde damytýǵa jáne balalardy dene shynyqtyrý men sportqa jappaı tartýǵa múmkindik beretinin aıtty.




Munda oqý-jattyǵý sabaqtaryn, sheberlik synyptaryn ótkizý úshin kásibı sportshylar men jattyqtyrýshylardy tartý josparlanýda.

Syıymdylyǵy 600 adamdy quraıtyn keshen ústel tenısi (300 adam) jáne kórkem gınastıkaǵa (300 adam) arnalǵan eki úlken sport zaldan turady. Quny 1,5 mıllıard teńge bolatyn joba qurylysy aǵymdaǵy jyldyń naýryz aıynda bastalyp, búginde tolyǵymen aıaqtalǵan.






Avtor Saıa Sembaı
Basty sózder: Sport, Aımaq, Jambyl oblysy,
Joǵary qaraı